ទីផ្សារលំនៅឋាននៅថៃ កំពុងរងសម្ពាធពីការកើនឡើងតម្លៃសម្ភារសំណង់ និងដីថ្លៃ
ទោះបីស្ថានភាពសេដ្ឋកិច្ចរបស់ថៃ កំពុងប្រឈមនឹងបញ្ហាបំណុលរបស់ប្រជាពលរដ្ឋប៉ោងឡើង និងចំណូលរបស់ពលរដ្ឋធ្លាក់ចុះយ៉ាងណាក្តី ក៏តម្លៃលំនៅឋាននៅក្នុងប្…
ប្រធានាធិបតីបារាំង លោក អេម៉ានូអែល ម៉ាក្រុង បានអះអាងថា បារាំងនឹងជះលុយជាង១១២ពាន់លានដុល្លារ ដើម្បីអភិវឌ្ឍន៍លើវិស័យបច្ចេកវិទ្យាបញ្ញាសិប្បនិម្មិត (AI) ដែលកំពុងមានការរីកចម្រើន និងប្រកួតប្រជែងខ្លាំងនៅលើពិភពលោក។ គម្រោងវិនិយោគដ៏មហិមារបស់បារាំងនេះ ត្រូវបានគេដឹងថា មួយផ្នែកត្រូវបានជួយគាំទ្រដោយក្រុមហ៊ុនកាណាដា Brook field ដែលមានតម្លៃប្រមាណជិត២១ពាន់លានដុល្លារ និងហិរញ្ញប្បទានពីប្រទេសអារ៉ាប់រួម ដែលមានទុនប្រមាណជិត៥២ពាន់លាន។
ជាទូទៅមូលដ្ឋាននៃបច្ចេកវិទ្យាភាគច្រើនចេញពីតំបន់អឺរ៉ុប ប៉ុន្តែនៅពេលនេះបច្ចេកវិទ្យា AI ដែលមានឫសគល់ចេញពីបច្ចេកវិទ្យានេះកំពុងរីកចម្រើនខ្លាំងនៅសហរដ្ឋអាម៉េរិក និងចិន។
កាលពីខែមុន ប្រធានាធិបតីអាម៉េរិក លោក ដូណាល់ ត្រាំ បានប្រកាសថា OpenAI, SoftBank Group និង Oracle កំពុងចាប់ដៃគ្នាសហការលើការអនុវត្តគម្រោងវិនិយោគមួយ ដែលមានតម្លៃរហូតដល់ទៅ៥00ពាន់លានដុល្លារលើការអភិវឌ្ឈហេដ្ឋារចនាសម្ព័ន្ធផ្សេងៗ ដែលបម្រើឲ្យ AI ក្នុងរយៈពេល៤ឆ្នាំខាងមុខ ដើម្បីជួយសហរដ្ឋអាម៉េរិកបន្តនាំមុខប្រទេសចិន និងគូប្រជែងផ្សេងទៀតនៅក្នុងការប្រណាំងប្រជែងលើវិស័យ AI សកល៕
ដោយៈ សរ សុជាតិ
