អាជ្ញាធរកោះតៃវ៉ាន់ ប្រកាសបិទរោងចក្រនុយក្លេអ៊ែធំទីពីររបស់ខ្លួន ក្រោយប្រើអស់រយៈពេល៤០ឆ្នាំ
អាជ្ញាធរកោះតៃវ៉ាន់ បានប្រកាសជាចំហរថា ខ្លួននឹងបិទរោងចក្រថាមពលនុយក្លេអ៊ែធំបំផុតទី២ចុងក្រោយរបស់ខ្លួននៅចុងសប្តាហ៍នេះ ដែលជាការផ្លាស់ប្តូរមួ…
សេចក្តីថ្លែងការណ៍រួមលើកដំបូងមិនធ្លាប់មានដែលធ្វើឡើងដោយក្រុមមេដឹកនាំហិរញ្ញវត្ថុនៃបណ្តាប្រទេស G20 ដែលជួបប្រជុំគ្នានៅទីក្រុង រីយ៉ូ ឌឹ ជេនណឺរ៉ូ (Rio de Janeiro) នៅសប្តាហ៍នេះបានប្តេជ្ញាថា នឹងសហការគ្នាលើការយកពន្ធប្រកបដោយប្រសិទ្ធភាពពីក្រុមអ្នកដែលមានទ្រព្យសម្បត្តិធំបំផុតនៅលើពិភពលោកកាលពីថ្ងៃសុក្រ ប៉ុន្តែទោះបីជាយ៉ាងណាក៏ដោយ អ្វីដែលបានលើកឡើងគឺបានត្រឹមតែជាការប្តេជ្ញាចិត្តប៉ុណ្ណោះ។
តាមសេចក្តីរាយការណ៍ដែលចុះផ្សាយនៅលើបណ្តាញព័ត៌មាន The Edge បានឲ្យដឹងថា បណ្តារដ្ឋមន្ត្រីហិរញ្ញវត្ថុ និងធនាគារកណ្តាលមកពីក្រុមប្រទេស G20 បានអះអាងថា ខ្លួននឹងស្វែងរកការចូលរួមជាមួយកិច្ចសហប្រតិបត្តិការទារពន្ធក្រុមមហាសេដ្ឋី ដើម្បីធានាថា បុគ្គលដែលមានទ្រព្យសម្បត្តិមហាសាលត្រូវបានបង់ពន្ធប្រកបដោយប្រសិទ្ធភាព។
នេះគឺជាការប្តេជ្ញាចិត្ត ប៉ុន្តែយន្តការនៃការទាមទារពន្ធពីក្រុមមហាសេដ្ឋីពិភពលោក គឺនៅតែបន្តប្រទាំងប្រទើសគ្នា ហើយសូម្បីតែយន្តការដែលត្រូវធ្វើក៏នៅមិនទាន់ទទួលបានការឯកភាពគ្នានៅឡើយទេ ដោយអ្នកខ្លះ គឺទាមទារសង្កត់ធ្ងន់ទៅលើការទាមទារតាមយន្តការអង្គការសហប្រជាជាតិ ហើយមួយចំនួនទៀត គឺតាមរយៈអង្គការសម្រាប់កិច្ចសហប្រតិបត្តិការសេដ្ឋកិច្ចនិងអភិវឌ្ឍន៍។
ពាក់ព័ន្ធនឹងការប្តេជ្ញាចិត្តនេះ រដ្ឋមន្ត្រីក្រសួងរតនាគារអាម៉េរិក លោកស្រី ជេណេត យេឡែន (Janet Yellen) បានប្រាប់អ្នកសារព័ត៌មាននៅក្រៅកិច្ចប្រជុំ G20 ថា លោកស្រីជឿជាក់ថា តាមរយៈអង្គការសម្រាប់កិច្ចសហប្រតិបត្តិការសេដ្ឋកិច្ច និងអភិវឌ្ឍន៍ ដែលដឹកនាំការចរចាសម្រាប់កិច្ចព្រមព្រៀងពន្ធសាជីវកម្មជាសកលក្នុងរយៈពេលបីឆ្នាំកន្លងមកនេះ នឹងមានភាពល្អប្រសើរក្នុងការដោះស្រាយកិច្ចពិភាក្សាបែបនេះ។
លោកស្រីបាននិយាយថា លោកស្រីមិនចង់ឃើញផែនការនេះមានការផ្លាស់ប្តូរទៅតាមច្រកអង្គការសហប្រជាជាតិនោះទេ ព្រោះយន្តការតាមអង្គការសម្រាប់កិច្ចសហប្រតិបត្តិការសេដ្ឋកិច្ច និងអភិវឌ្ឍន៍ គឺជាយន្តការដែលដោះស្រាយពឹងផ្អែកលើការយល់ស្រប៕
ដោយៈ សរ សុជាតិ
None
