អ៊ីស្រាអែល និងក្រុមហាម៉ាសបន្ទន់ឥរិយាបថទទួលយកបទឈប់បាញ់ និងដោះលែងចំណាប់ខ្មាំង
ក្រោយវាយប្រហារគ្នាយ៉ាងសាហាវអស់រយៈពេលជាច្រើនខែ អ៊ីស្រាអែល និងក្រុមហាម៉ាសបានព្រមព្រៀងដំណាក់កាលដំបូងសម្រាប់កិច្ចព្រមព្រៀងបទឈប់បាញ់សម្រាប់តំប…
សមាគមអាជីវកម្មអាល្លឺម៉ង់ប្រចាំកម្ពុជា (GBC) ដែលជាស្ថាបនិកនៃ EuroCham Cambodia បានរៀបចំព្រឹត្តិការណ៍នេះតាំងពីនៅដើមទសវត្សរ៍ឆ្នាំ 2000 នៅសណ្ឋាគារ Sunway សណ្ឋាគារ Cambodiana និងកោះពេជ្រ។ កម្មវិធីនេះបានត្រឡប់មករៀបចំឡើងនៅកោះពេជ្រវិញហើយ ដែលមានទីតាំងនៅអាគារ Connexion Community Mall ។
លោក Tassilo Brinzer ប្រធានសមាគមអាជីវកម្មអាល្លឺម៉ង់ប្រចាំកម្ពុជា មានប្រសាសន៍ថា German Business Cambodia ទន្ទឹងរង់ចាំយ៉ាងមុតមាំ ក្នុងឱកាសអបអរសាទរដ៏រីករាយមួយនេះ ដើម្បីពង្រឹងចំណងមិត្តភាពរវាងកម្ពុជា និងអាល្លឺម៉ង់។ លោកបានបន្ថែមថា យើងមានសេចក្តីសោមនស្សរីករាយជាខ្លាំងដែលក្រុមហ៊ុនស្រាបៀរហនុមាន ដែលជាស្រាបៀរដ៍ល្បីល្បាញរបស់ប្រទេសកម្ពុជាជាយូរមកហើយ ព្រមទាំងមានអ្នកជំនាញខាងផលិតស្រាអាឡឺម៉ង់ ដែលបានបង្កើតរសជាតិថ្មីប្លែក មកចូលរួមកម្មវិធីជាមួយយើងនៅឆ្នាំនេះ។
ព្រឹត្តិការណ៍ Oktoberfest នៅឆ្នាំនេះម្តងទៀតនៅកម្ពុជា នឹងក្លាយជាបទពិសោធន៍ដែលមិនអាចបំភ្លេចបានសម្រាប់ភ្ញៀវរហូតដល់ 1000នាក់ ដែលនឹងមានដូចជា Ozapft ដែលជាក្រុមតន្ត្រីដែលមានសមាជិក6នាក់ ពួកគេមានភាពល្បីល្បាញនៅក្នុងប្រទេសអាល្លឺម៉ង់ និងអូទ្រីស (ហើយត្រូវបានគេស្គាល់ពីព្រឹត្តិការណ៍ Oktoberfest នៅទីក្រុងហូជីមិញ ហាណូយ បាងកក និង គូឡាឡាំពួរ) ដែលនឹងនាំមកនូវបរិយាកាសពិធីបុណ្យបែបទីក្រុងបាវ៉ារៀ មកកាន់បេះដូងប្រជាជនកម្ពុជា។
បន្ថែមពីលើបរិយាកាសដ៏រស់រវើក ក្នុងការអបអរសាទរកម្មវិធីមួយនេះ អ្នកចូលរួមនឹងរីករាយជាមួយអាហារឆ្ងាញ់ៗជាច្រើនមុខដែលផ្តល់ដោយ ដៃគូ Oktoberfest រួមមានភោជនីយដ្ឋាន Hops ភោជនីយដ្ឋាន Hummus House និង ភោជនីយដ្ឋាន Compas ដែលផ្តល់ជូនអាហារដ៍ពិសេសបែបប្រពៃណីអាល្លឺម៉ង់ ក៍ដូចជាមានអាហារទំនើបៗ សាច់អាំង ម្ហូបមេឌីទែរ៉ាណេដូចជា kebab ដ៏ធំតាមរយៈ អាហារប៊ូហ្វេគ្មានដែនកំណត់ និងព្រមទាំងមាន tacos ម៉ិកស៊ិកកូរស់ជាតិដើមហើយយើងក៍មានជម្រើសសម្រាប់អ្នកដែលមិនញាំសាច់ផងដែរ។
ព្រឹត្តិការណ៍ Oktoberfest Cambodia 2025 និងប្រកាសបើកជាផ្លូវការនៅថ្ងៃសុក្រ ទី24 ខែតុលា វេលាម៉ោង 7:00 យប់ ដោយលោក H.E. Stefan Messerer ឯកអគ្គរដ្ឋទូតអាល្លឺម៉ង់ប្រចាំកម្ពុជា។ នៅថ្ងៃបើកកម្មវិធីនេះក៏ត្រូវបានរំពឹងថា និងមានការចូលរួមពីភ្ញៀវសំខាន់ៗ និងតារាល្បីៗ មួយចំនួនរបស់ប្រទេសកម្ពុជា ដែលធ្វើអោយកម្មវិធីកាន់តែមានភាពរស់់រវើក និងសប្បាយរីករាយ ដើម្បីសាកសមជា «ពិធីជប់លៀងដ៏ធំបំផុតប្រចាំឆ្នាំ»៕
