អ៊ុយក្រែន ច្រានចោលសំណើរបស់អាម៉េរិក ដែលទាមទារកាន់កាប់រ៉ែកម្រ៥០%ជាថ្នូរនឹងការជួយការពារខ្លួន
សហរដ្ឋអាម៉េរិក ដែលជាបងធំទី១របស់ពិភពលោកបានលើកសំណើទៅអ៊ុយក្រែន កាលពីថ្ងៃពុធ សប្ដាហ៍មុន ដោយទាមទារកាន់កាប់ចំណែកពាក់កណ្ដាលនៃធនធានរ៉ែកម្រ…
ពិធីនេះ មានការអញ្ជើញចូលរួមពីសំណាក់ ឯកឧត្តម ថោង ខុន, លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា, សមាជិកព្រឹទ្ធសភា និងរដ្ឋសភា, ក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ, ក្រុមប្រឹក្សា និងគណៈអភិបាលខេត្តកំពង់ធំ, លោកអ្នកឧកញ៉ា អ្នកឧកញ៉ា និងឧកញ៉ា ជាអនុប្រធាននិងសមាជិកសមាគមឧកញ៉ាកម្ពុជា, ឯកឧត្តម លោកជំទាវ លោក លោកស្រី ជាមន្ត្រីរាជការនៃរដ្ឋបាលខេត្តកំពង់ធំ ព្រមទាំងលោកគ្រូអ្នកគ្រូនិងក្មួយៗសិស្សានុសិស្សនៃវិទ្យាល័យទ្រៀល និងសាលាបឋមសិក្សានានានៅមូលដ្ឋានស្រុកតាំងគោកសរុបប្រមាណជាង ៣៥០០នាក់។
បន្ទាប់ពីឯកឧត្តម នួន ផារ័ត្ន អភិបាល នៃគណៈអភិបាលខេត្តកំពង់ធំ បានធ្វើឡើងធ្វើរបាយការណ៍ស្វាគមន៍ជូនអង្គពិធីរួចមក, លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា បានមានប្រសាសន៍ថា សមាគមឧកញ៉ាកម្ពុជា បានចាត់ទុកការចូលរួមសកម្មភាពសប្បុរសធម៌ និងសង្គមកិច្ច គឺជាការងារអាទិភាពមួយរបស់ខ្លួន ដែលបានចូលរួម និងគាំទ្រយ៉ាងសកម្ម ជាមួយរាជរដ្ឋាភិបាលកម្ពុជា តាមអនុសាសន៍ណែនាំដ៏ខ្ពង់ខ្ពស់បំផុត និងប្រកបដោយគតិបណ្ឌិតដ៏ឈ្លាសវៃរបស់ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានកិត្តិយសសមាគមឧកញ៉ាកម្ពុជា ដែលជាអគ្គស្ថាបនិកដ៏ឆ្នើម នៃគោលនយោបាយ ឈ្នះ-ឈ្នះ បាននាំមកនូវការបង្រួបបង្រួមជាតិ ឯកភាពទឹកដី និងការអភិវឌ្ឍជាតិ នាពេលបច្ចុប្បន្ននេះ ដែលកំពុងបន្តអនុវត្តយ៉ាងស្វាហាប់ និងឈ្លាសវៃ តាមមាគ៌ាដ៏ត្រឹមត្រូវដោយយុវជនបន្តវេនដ៏ប៉ិនប្រសប់របស់យើង គឺ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
បន្ទាប់មក ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត បានអញ្ជើញមានប្រសាសន៍សំណេះសំណាល ដោយបាននាំនូវការផ្តាំផ្ញើសួរសុខទុក្ខដោយក្តីនឹករឭកយ៉ាងកក់ក្តៅពីសំណាក់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត ចំពោះបងប្អូនប្រជាពលរដ្ឋខេត្តកំពង់ធំ ព្រមទាំងចំពោះលោកគ្រូ អ្នកគ្រូ និងក្មួយៗសិស្សានុសិស្សទាំងអស់។ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ បានវាយតម្លៃខ្ពស់និងបានចាត់ទុកអំណោយសប្បុរសពី សមាគមឧកញ៉ាកម្ពុជា ដែលសរុបទឹកប្រាក់ជាង១,១ លានដុល្លារអាម៉េរិកនៅពេលនេះ គឺជាការចូលរួមដ៏ច្រើន និងមិនធ្លាប់មានពីមុនមកសម្រាប់ខេត្តកំពង់ធំ ហើយអំណោយសប្បុរិសធម៌នេះ គឺមានតម្លៃខ្លាំងណាស់សម្រាប់រាជរដ្ឋាភិបាល និយាយជារួម និងនិយាយដោយឡែកសម្រាប់ខេត្តកំពង់ធំ និងប្រជាពលរដ្ឋក្នុងខេត្តកំពង់ធំផ្ទាល់តែម្តង។
ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ ក៏បានរំលឹកពីគំនិតគាំទ្រដ៏ថ្លៃថ្លាប្រកបទៅដោយចក្ខុវិស័យវែងឆ្ងាយរបស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី និងជាប្រធានព្រឹទ្ធសភានៃព្រះរាជាណាចក្រកម្ពុជា ចំពោះការបង្កើតនិងកិច្ចដំណើរការដ៏មានសារៈសំខាន់នៃ សមាគមឧកញ៉ាកម្ពុជា។ ជាមួយនឹង ចក្ខុវិស័យនេះ រាជរដ្ឋាភិបាលនីតិកាលទី៧នៃរដ្ឋសភា ដែលមាន សម្តេចមហាបវរធិបតី ហ៊ុន ម៉ាណែត ជានាយករដ្ឋមន្រ្តី ក៏នៅតែចាត់ទុកវិស័យឯកជនជាដៃគូសំខាន់បំផុត រួមចំណែកជំរុញការធ្វើពិពិធកម្មសេដ្ឋកិច្ច ការបង្កើតការងារ បង្កើនប្រាក់ចំណូល និងតម្លៃបន្ថែមក្នុងសេដ្ឋកិច្ច, ចូលរួមចំណែកក្នុងសកម្មភាពសង្គម មនុស្សធម៌ និងសប្បុរិសធម៌ ជាពិសេសរួមចំណែកក្នុងការកសាងធនធានមនុស្ស និងលើកតម្កើងគុណតម្លៃរបស់ «ឧកញ៉ា» ទាំងតម្លៃសីលធម៌ ចរិយាធម៌ និងគុណធម៌ ឱ្យស័ក្ដិសមនឹងឋានៈក្នុងសង្គម សំដៅចូលរួមកសាង និងអភិវឌ្ឍសង្គម-សេដ្ឋកិច្ចកម្ពុជាប្រកបដោយបរិយាបន្ន និងចីរភាព។
ឯកឧត្តមឧបនាយករដ្ឋមន្ត្រីប្រចាំការ សង្កត់បញ្ជាក់ថា ដើម្បីធានាឱ្យបាននិរន្តភាពនៃការីកចម្រើនរបស់ប្រទេសជាតិ រាជរដ្ឋាភិបាលកម្ពុជាដែលមាន សម្តេចមហាបវរធិបតីនាយករដ្ឋមន្ត្រីជាប្រមុខ បានកំណត់យកការអភិវឌ្ឍមូលធនមនុស្សជាអាទិភាពដ៏ចម្បងបំផុត ដែលនឹងក្លាយជាកម្លាំងចលករដ៏មានប្រសិទ្ធភាព ក្នុងការកសាង និងអភិវឌ្ឍជាតិមាតុភូមិ ដោយបានដាក់ចេញបន្ថែមពីលើគោលនយោបាយដែលមានស្រាប់ នូវវិធានការគន្លឹះចំនួន៤រួមមាន៖ ការពង្រឹងអភិបាលកិច្ចសាលារៀន ដោយផ្ដោតលើការគ្រប់គ្រងរបស់នាយកសាលា, ការពិនិត្យកែសម្រួលនិងរៀបចំកម្មវិធីសិក្សា ទាំងសកម្មភាពក្រៅម៉ោងសិក្សាឱ្យស្របតាមតម្រូវការក្នុងការពង្រឹងចំណេះដឹង វិន័យ សីលធម៌ និងឥរិយាបថរបស់សិស្ស, ការយកចិត្តទុកដាក់លើកសុខភាពសិស្សតាមរយៈកម្មវិធីអាហារូបត្ថម្ភដល់កុមារ និងការត្រួតពិនិត្យគុណភាពចំណីអាហារនៅតាមសាលារៀន និងការជំរុញនិងលើកទឹកចិត្តការចូលរួមរបស់មាតាបិតា-អាណាព្យាបាល និងសហគមន៍ក្នុងការអប់រំ។ ហើយដើម្បីលើកកម្ពស់គុណភាពការអប់រំ គឺត្រូវមានការចូលរួមពីតួអង្គចំនួន៦រួមមាន៖ កត្តាសិស្សខ្លួនឯង, កត្តាគ្រូបង្រៀន, កត្តាសាលារៀន, កត្តាមាតាបិតានិងអាណាព្យាបាលសិស្ស, កត្តាគាំទ្រពីសហគមន៍និងអាជ្ញាធរនៅនឹងកន្លែង, និងការចូលរួមពីវិស័យឯកជន ដែលនេះគឺជាការចូលរួមទាំងអស់គ្នា ក្រោមទិសស្លោក «ទាំងអស់គ្នាដើម្បីការអប់រំ»។
ឯកឧត្តមឧបនាយករដ្ឋមន្ត្រីប្រចាំការ បានបញ្ជាក់ថា ប្រទេសជាតិមួយដែលខ្លាំងទាល់តែមានធនធានមនុស្សខ្លាំង ជាពិសេសនៅក្នុងបរិការណ៍មួយដែលពិភពលោកកំពុងស្ថិតនៅក្នុងភាពបែកបាក់ ទាំងនយោបាយ សេដ្ឋកិច្ច និងពាណិជ្ជកម្ម។ ដូច្នេះ ការអប់រំគឺជាមូលដ្ឋានគន្លឹះក្នុងការបង្កើតមូលធនមនុស្សដ៏មានតម្លៃសម្រាប់ប្រទេសជាតិ ជាមនុស្សដែលមានចំណេះដឹង មានជំនាញច្បាស់លាស់ មានអត្តចរិត គុណធម៌ សីលធម៌ និងសុខភាពរឹងមាំ ព្រមទាំងត្រូវមានការទទួលខុសត្រូវខាងសង្គមផងដែរ។ ទន្ទឹមនេះ ក៏ត្រូវរៀបចំកម្មវិធីអប់រំឱ្យស្របនិងទាន់ការវិវត្តន៍នៃបច្ចេកវិទ្យា និងឱ្យចំតម្រូវការនៃសង្គម បើមិនដូច្នោះទេ យើងនឹងត្រូវខាតធនធាន និងខាតពេលវេលា។
នៅក្នុងឱកាសនោះដែរ ឯកឧត្តម វង្សី វិស្សុត ក៏បានលើកឡើងផងដែរពីការគិតគូរ និងការដាក់ចេញនូវយុទ្ធសាស្រ្តមួយចំនួនរបស់ក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ ដើម្បីដោះស្រាយបញ្ហាសេដ្ឋកិច្ចរបស់ប្រជាជនពាក់ព័ន្ធនឹងជីវភាពរស់នៅប្រចាំថ្ងៃ ប្រាក់ចំណូល ការងារ ការប្រកបអាជីវកម្ម និងមុខរបរផ្សេងៗ ដោយរួមទាំងការធ្វើកសិកម្ម និងវិស័យផ្សេងទៀតក្រៅពីកសិកម្ម ព្រោះការធ្វើកសិកម្មជួបហានិភ័យច្រើន ដោយសារកត្តាអាកាសធាតុ និងកត្តាទីផ្សារ ដូចជា៖ ការរៀបចំផែនការអភិវឌ្ឍន៍ហេដ្ឋារចនាសម្ព័ន្ធ, ការរៀបចំក្រុមការងារអន្តរាគមន៍ពិសេស, ការរៀបចំគម្រោងលើកកម្ពស់ជីវភាពប្រជាជន, ការរៀបចំផែនការអភិវឌ្ឍន៍វិស័យទេសចរណ៍ខេត្តកំពង់ធំ និងការរៀបំផែនការអភិវឌ្ឍន៍សេដ្ឋកិច្ចមូលដ្ឋាននិងទីផ្សារផលិតផលខ្មែរជាដើម។ ក្រៅពីនេះ ក្រុមការងារក៏បានចូលរួមពង្រឹង និងបង្កើនគុណភាព និងប្រសិទ្ធភាពនៃការផ្ដល់សេវាសារធារណៈគ្រប់ប្រភេទ និងចូលរួមបន្តដោះស្រាយបញ្ហាសមធម៌និងយុត្តិធម៌សង្គម។ ឯកឧត្តម វង្សី វិស្សុត បានអំពាវនាវឱ្យលោកគ្រូអ្នកគ្រូ និងបងប្អូនប្រជាពលរដ្ឋគ្រប់មជ្ឈដ្ឋានទាំងអស់ ចូលរួមអភិវឌ្ឍន៍ខេត្តកំពង់ធំទាំងអស់គ្នា ក្រោមម្លប់ និងគុណតម្លៃនៃសន្តិភាព ដែលបាននាំមកដោយសារនយោបាយឈ្នះ-ឈ្នះរបស់ សម្តេចតេជោ ហ៊ុន សែន បន្ទាប់ពីប្រទេសកម្ពុជាបានទទួលរងការបែកបាក់, សង្គ្រាម និងការឈឺចាប់អស់រយៈពេលជាង៥០០ឆ្នាំ ក្នុងប្រវត្តិសាស្រ្តរបស់ខ្លួន។
ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត បានថ្លែងនូវអំណរគុណយ៉ាងជ្រាលជ្រៅចំពោះ លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា ក៏ដូចជា លោកអ្នកឧកញ៉ា អ្នកឧកញ៉ា ឧកញ៉ា ជាអនុប្រធាន និងសមាជិកសមាជិកាសមាគម ព្រមទាំងសប្បុរសជនចំនួន១១៤រូប ដែលបានចូលរួមបរិច្ចាគជាថវិកានិងសម្ភារៈសរុបជាទឹកប្រាក់ជាង ១ ១៧៨ ៨៨៨ ដុល្លារអាម៉េរិក សម្រាប់ប្រគល់ជូន លោកគ្រូ អ្នកគ្រូ និងសិស្សានុសិស្សនៃខេត្តកំពង់ធំ ក្នុងនោះរួមមាន៖ កសាងអគារសិក្សាចំនួន៥ខ្នង ស្នើនឹង៥៥បន្ទប់។ ក្នុងឱកាសនោះដែរ ឯកឧត្តមឧបនាយករដ្ឋមន្ត្រីប្រចាំការនិងលោកជំទាវ ព្រមទាំងលោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជានិងលោកជំទាវ និងសប្បុរសជន បានអញ្ជើញចែកអំណោយដោយផ្ទាល់ជូនដល់លោកគ្រូអ្នកគ្រូនិងសិស្សានុសិស្ស ក្នុងនោះ ជូនលោកគ្រូអ្នកគ្រូចំនួន១៨៥នាក់ ជាកញ្ចប់សម្លៀកបំពាក់ចម្រុះចំនួន១ កាតាបចំនួន១ កញ្ចប់និងថវិកា៦ម៉ឺនរៀល, ជូនលោកគ្រូអ្នកគ្រូចំនួន១៦នាក់ដែលខ្វះមធ្យោបាយធ្វើដំណើរ ក្នុងម្នាក់ៗទទួលបានកង់១គ្រឿង, ជូនលោកគ្រូអ្នកគ្រូចំនួន១៥នាក់ដែលខ្វះមធ្យោបាយធ្វើដំណើរហើយនៅឆ្ងាយពីសាលា ម្នាក់ៗទទួលបានម៉ូតូ១គ្រឿង, ជូនដល់សិស្សានុសិស្សចំនួន៥៦៥០នាក់ ម្នាក់ៗទទួលបានសម្ភារៈសិក្សា១ឈុត ឯកសណ្ឋានសិស្ស១ឈុត សម្លៀកបំពាក់នៅផ្ទះ១ឈុត និងថវិកាចំនួន៤ម៉ឺនរៀល ព្រមទាំងជូនសិស្សានុសិស្សចំនួន៧៨៤នាក់ ដែលខ្វះខាតមធ្យោបាយធ្វើដំណើរ ម្នាក់ៗទទួលបានកង់ម្នាក់១គ្រឿង។ សមាគមក៏ជួយជួសជុលអគារ ផ្ដល់សម្ភារសិក្សា បរិក្ខាបង្រៀន សម្ភារព័ត៌មានវិទ្យាជូនដល់សាលាបឋមសិក្សាចំនួន ៦កន្លែង ដោយគ្រោងប្រើប្រាស់ថវិកាប្រមាណ ៥២ ៦០២ ដុល្លារអាម៉េរិក និងផ្តល់ការឧបត្ថម្ភជូនដល់កងកម្លាំង និងប្រជាការពារចំនួន ៣៦៥នាក់ ម្នាក់ៗថវិកាចំនួន៤ម៉ឺនរៀល ក្រុមគ្រូពេទ្យថវិកា៥លានរៀល ក្រុមយុវជន ស.ស.យ.ក ថវិកាចំនួន២លានរៀល ព្រមទាំងបានរៀបចំអាហារសាមគ្គីជូនដល់លោកគ្រូអ្នកគ្រូសិស្សានុសិស្ស និងអ្នកចូលរួមទាំងអស់ សរុបចំនួន ៣៥០០នាក់ផងដែរ។
