ពលរដ្ឋថៃ អាចប្រឈមនឹងបាត់បង់ការងារ ដោយសារគោលនយោបាយដំឡើងប្រាក់ឈ្នួលរបស់រដ្ឋាភិបាល
ក្រុមអ្នកបញ្ចុះបញ្ចូលអាជីវកម្មបាននិយាយថា គោលនយោបាយដ៏លេចធ្លោរបស់រដ្ឋាភិបាលថៃ ដឹកនាំដោយគណបក្សភឿថៃ ក្នុងការដំឡើងប្រាក់ឈ្នួលអប្បបរមាប្រចាំថ្ងៃ…
ទិន្នន័យផ្លូវការបង្ហាញថា នៅក្នុងត្រីមាសទី១ ដើមឆ្នាំ២០២៤ ខុនដូចំនួន៣ពាន់៩៣៨យូនីត ជាមួយតម្លៃសរុបប្រមាណជាង៤៩៧លានដុល្លារអាម៉េរិក ត្រូវបានលក់ចេញ និងផ្ទេរកម្មសិទ្ធិទៅឱ្យជនបរទេស។ មជ្ឈមណ្ឌលព័ត៌មានអចលនទ្រព្យថៃ (Real Estate Information Centre) បាននិយាយកាលពីថ្ងៃព្រហស្បតិ៍ ទី១៦ ខែឧសភា ថា ចំនួនយូនីត ដែលលក់ទៅឱ្យជនបរទេសបានកើនឡើង៤,៣% ហើយតម្លៃនៃការលក់សរុបបានកើនឡើង៥,២% បើធៀបនឹងរយៈពេលដូចគ្នាកាលពីឆ្នាំមុន។
មជ្ឈមណ្ឌលព័ត៌មានអចលនទ្រព្យថៃ បានឱ្យដឹងទៀតថា ក្នុងចំណោមអ្នកទិញជាជនបរទេសទាំងអស់ ពលរដ្ឋចិន មានចំនួនច្រើនជាងគេ ដោយទិញខុនដូបានចំនួន១ពាន់៥៩៦យូនីត ជាមួយនឹងតម្លៃសរុបជាង១២៦លានដុល្លារអាម៉េរិក ហើយទី២ គឺពលរដ្ឋមីយ៉ាន់ម៉ា ដែលបានទិញចំនួន៣៩២យូនីត ជាមួយនឹងតម្លៃសរុប៦១លានដុល្លារអាម៉េរិក ចំណែកឯចំណាត់ថ្នាក់លេខ៣ បានទៅលើពលរដ្ឋរុស្ស៊ី ដែលបានទិញខុនដូចំនួន២៩៥យូនីត ជាមួយនឹងតម្លៃសរុបជាង២៥លានដុល្លារអាម៉េរិក។
មជ្ឈមណ្ឌលព័ត៌មានអចលនទ្រព្យថៃ បាននិយាយថា អ្នកទិញជាជនជាតិចិន មានចំនួន៤១% នៃអ្នកទិញជាជនបរទេស ខណៈដែលអ្នកទិញជាជនជាតិមីយ៉ាន់ម៉ាមានចំនួន១០% ហើយអ្នកទិញជាជនជាតិរុស្ស៊ីមានចំនួន៥%៕
ដោយ: តែម សុខុម
None
