សមាគមពាណិជ្ជករមាសថៃព្យាករថា តម្លៃមាសនៅឆ្នាំ២០២៥ នឹងហក់ឡើងលើស៤ពាន់ដុល្លារក្នុង១តម្លឹង
ដោយសារស្ថានភាពសេដ្ឋកិច្ចពិភពលោកមិនច្បាស់លាស់ ជាពិសេសបញ្ហាកំណត់ពន្ធរបស់រដ្ឋបាលប្រធានាធិបតី ដូណាល់ ត្រាំ ម្តងបែបនេះម្តងបែបនោះពិបាកព្យាករ ប…
រដ្ឋមន្ត្រីទទួលបន្ទុកកិច្ចការពារពលករចំណាកស្រុកឥណ្ឌូនេស៊ី លោក អាប់ឌុល កាឌា កាឌីង (Abdul Kadir Karding) បានប្រកាសកាលពីថ្ងៃសុក្រ សប្ដាហ៍មុនថា ឥណ្ឌូនេស៊ី ដែលមានប្រជាជនសរុប២៨០លាននាក់ បានចេញបម្រាមជាផ្លូវការហាមពលរដ្ឋរបស់ខ្លួនមិនឱ្យមកធ្វើការនៅកម្ពុជា ថៃ និងមីយ៉ាន់ម៉ា នោះឡើយ។ រដ្ឋមន្ត្រីរូបនេះ អះអាងថា នេះមិនមែនគ្រាន់តែជាព្រមាននោះទេ គឺពលរដ្ឋឥណ្ឌូនេស៊ីទាំងអស់ត្រូវបានហាមឃាត់មិនឱ្យមកធ្វើការនៅក្នុងប្រទេសទាំងនេះជាដាច់ខាត ដោយបារម្ភខ្លាចពួកគេងាយរងគ្រោះដោយសារការជួញដូរមនុស្ស។
លោកបានបញ្ជាក់បន្ថែមថា ដោយសារប្រទេសឥណ្ឌូណេស៊ី គ្មានកិច្ចព្រមព្រៀងសហប្រតិបត្តិការជាមួយប្រទេសទាំងនេះទាក់ទងនឹងពលករចំណាកស្រុក ពលរដ្ឋឥណ្ឌូនេស៊ី ដែលកំពុងធ្វើការក្នុងប្រទេសទាំងនេះត្រូវបានចាត់ទុកថា ខុសច្បាប់។
សូមបញ្ជាក់ថា កាលពីថ្ងៃទី១៨ ខែមីនា ឆ្នាំ២០២៥ រដ្ឋាភិបាលឥណ្ឌូនេស៊ី បានធ្វើមាតុភូមិនិវត្តន៍ពលរដ្ឋឥណ្ឌូនេស៊ី ចំនួន៥៥៤នាក់ ដែលបានក្លាយខ្លួនជាជនរងគ្រោះនៃការជួញដូរមនុស្សក្នុងប្រទេសមីយ៉ាន់ម៉ា ដោយក្នុងនោះ៤០០នាក់ បានវិលត្រលប់ទៅវិញ កាលពីថ្ងៃទី ១៨ ខែមីនា ហើយចំនួន១៥៤នាក់ទៀតបានត្រលប់ទៅវិញកាលពីថ្ងៃទី១៩ ខែមីនា៕
ដោយ: តែម សុខុម
