ឥណ្ឌូនេស៊ី គ្រោងទិញក្រុមហ៊ុនស្រូវអង្ករកម្ពុជា មួយចំនួន ដើម្បីរក្សាសុវត្ថិភាពការផ្គត់ផ្គង់អង្ករក្នុងស្រុក
ប្រទេសឥណ្ឌូនេស៊ី ដែលមានសេដ្ឋកិច្ចធំបំផុតក្នុងតំបន់អាស៊ាន ជាមួយនឹងចំនួនប្រជាជនសរុបរហូតដល់ទៅប្រមាណ២៨០លាននាក់ គ្រោងទិញយកក្រុមហ៊ុនស្រូវអង្ក…
ការិយាល័យស្ថិតិឡាវ បានបង្ហាញថា សន្ទស្សន៍តម្លៃទំនិញប្រើប្រាស់នៅប្រទេសបានកើនឡើងគួរឱ្យកត់សម្គាល់នៅក្នុងខែមិថុនា ដោយកំណើនបានបង្ហាញឱ្យឃើញថា ពលរដ្ឋឡាវត្រូវបង្កើនការចំណាយកាន់តែខ្ពស់ក្នុងការទ្រទ្រង់ជីវិតប្រចាំថ្ងៃ។ ទំនិញដែលមានការប្រែប្រួលតម្លៃខ្ពស់បំផុតក្នុងខែមិថុនា នេះ ស្ថិតក្នុងប្រភេទថែទាំសុខភាព និងឱសថ ដោយបានកើនឡើងជិត៤២%។ ចំណែកភោជនីយដ្ឋាន និងសណ្ឋាគារបានកើនឡើងជាង៣៥% ខណៈដែលតម្លៃផ្ទះជួល ទឹក អគ្គិសនី និងប្រេងឆាបានកើនឡើងជាង៣២%។
ការិយាល័យនេះបានបង្ហាញដែរថា អត្រាអតិផរណាជាមធ្យមសម្រាប់រយៈពេល៦ខែដំបូងនៃឆ្នាំនេះ ស្ថិតក្នុងអត្រាជាង២៥% ដែលជាការថយចុះពីអត្រាជាង៣៨% ក្នុងរយៈពេលដូចគ្នាកាលពីឆ្នាំមុន ហើយកម្រិតអតិផរណាក្នុងខែមិថុនានេះ បានកើនឡើងខ្ពស់បំផុតសម្រាប់ឆ្នាំ២០២៤ ដោយឡើងដល់ជាង២៦%។
មានកត្តាជាច្រើនបានរួមចំណែកដល់សម្ពាធអតិផរណានេះ ដូចជាការធ្លាក់ថ្លៃប្រាក់គីបឡាវ ការធ្លាក់ចុះសមត្ថភាពផលិតក្នុងស្រុក និងការកើនឡើងនូវអត្រាពន្ធលើតម្លៃបន្ថែមនាពេលថ្មីៗនេះពី៧% ទៅ១០% ដែលបានជំរុញឱ្យតម្លៃទំនិញកើនឡើងឥតឈប់ឈរ។
ទោះបីជាយ៉ាងណាក៏ដោយ ប្រទេសឡាវបានរាយការណ៍ពីកំណើនសេដ្ឋកិច្ចវិជ្ជមានដោយផលិតផលក្នុងស្រុកសរុប (GDP) មានកំណើនជិត៤,៧% ដោយកើនលើសគោលដៅកំណើនប្រចាំឆ្នាំ ដែលរំពឹងសម្រេចបាន៤,៥% ដែលនាយករដ្ឋមន្ត្រីលោក សូណេសាយ ស៊ីផានដូន (Sonexay Siphandone) បានបង្ហាញក្នុងសម័យប្រជុំរដ្ឋសភាលើកទី៧។
លោក ស៊ីផានដូន បាននិយាយថា កំណើននេះត្រូវបានជំរុញបង្កើនជាចម្បងដោយវិស័យទេសចរណ៍ និងសេវាកម្មពាក់ព័ន្ធ ការដឹកជញ្ជូន និងការលក់ដុំ និងលក់រាយគួបផ្សំនឹងការពង្រីកផលិតកម្មកសិកម្ម សំណង់ និងឧស្សាហកម្មកែច្នៃផងដែរ៕
អត្ថបទ៖ សុខ មង្គល
None
