តាមអ្វីដែលមានក្នុងកិច្ចព្រមព្រៀងដែលបានចុះហត្ថលេខាកាលពីឆ្នាំមុន ក្រុមហ៊ុនប្រេងតូតាល់ បានយល់ព្រមក្នុងការវិនិយោគលើគម្រោងប្រេង ឧស្ម័ន និងថាមពលកកើតឡើងវិញចំនួនបួននៅក្នុងតំបន់ Basra ភាគខាងត្បូងប្រទេសអ៊ីរ៉ាក់ក្នុងរយៈពេល ២៥ ឆ្នាំ។ កិច្ចព្រមព្រៀងដែលបានចុះហត្ថលេខាដោយក្រសួងប្រេងរបស់ប្រទេសអ៊ីរ៉ាក់ក្នុងខែកញ្ញាឆ្នាំ ២០២១ បន្ទាប់ពីដំណើរទស្សនកិច្ចរបស់ប្រធានាធិបតីបារាំងលោក Macron ទៅកាន់ប្រទេសអ៊ីរ៉ាក់។
ទោះជាយ៉ាងណាក៏ដោយ ក្រសួងប្រេងរបស់ប្រទេសអ៊ីរ៉ាក់មិនព័ត៌មានលម្អិតផ្នែកហិរញ្ញវត្ថុនៅក្នុងកិច្ចព្រមព្រៀងនោះទេ ដូច្នេះហើយ កិច្ចព្រៀមព្រៀងនេះ បានជាប់គាំងតាំងពីពេលនោះមក ហើយបន្ទាប់ពីការបោះឆ្នោតសភា កិច្ចព្រមព្រៀងឥឡូវនេះត្រូវការការយល់ព្រមពីគណៈរដ្ឋមន្ត្រីអ៊ីរ៉ាក់ថ្មី រួមទាំងរដ្ឋមន្ត្រីប្រេង និងហិរញ្ញវត្ថុថ្មី ដែលនឹងត្រូវរង់ចាំរហូតដល់យ៉ាងហោចណាស់ចុងខែមីនា។
អត្ថបទគួរអាន
បើទោះបីជាមានការលើកឡើងថាកិច្ចព្រមព្រៀងនេះជាប់គាំងក្ដី ប៉ុន្ដែក្រសួងប្រេងរបស់ប្រទេសអ៊ីរ៉ាក់ នៅថ្ងៃចន្ទសប្ដាហ៍នេះបានចេញមុខបដិសេធ និងះអាងថា មិនមានបញ្ហាណាមួយក្នុងការអនុវត្តកិច្ចព្រមព្រៀងជាមួយក្រុមហ៊ុនតូតាល់របស់បារាំងនោះទេ ប៉ុន្ដែកិច្ចព្រមព្រៀងនេះ គឺរង់ចាំពេលវេលាដើម្បីអនុវត្ត។ ដោយឡែក ចំពោះក្រុមហ៊ុន តូតាល់ ក៏បានឱ្យដឹងដែរថា ខ្លួនកំពុងដំណើរការឆ្ពោះទៅរកការបិទបញ្ចប់កិច្ចព្រមព្រៀងនេះ ស្របពេលដែលវានៅតែស្ថិតក្រោមលក្ខខណ្ឌដែលត្រូវបំពេញដោយភាគីទាំងពីរ។
សូមបញ្ជាក់ថា ប្រទេសអ៊ីរ៉ាក់នៅប៉ុន្មានឆ្នាំចុងក្រោយនេះ មានសមត្ថភាពផលិតប្រេងបានចន្លោះពី ៣ ទៅ៥លានប៉ារ៉ែលក្នុងមួយថ្ងៃ ប៉ុន្ដែ ការនាំចេញប្រេងគឺមានជួបបញ្ហា ដោយសារតែកំណើនការផលិតប្រេងក្នុងប្រទេសនេះមិនមានភាពច្បាស់លាស់៕
អត្ថបទ ស៊ើង និមល់
None
