កង្វះថវិកាបានជំរុញ UN គ្រោងកាត់បន្ថយចំនួនកងកម្លាំងរក្សាសន្តិភាពចំនួន ២៥% នៅទូទាំងពិភពលោក
មន្ត្រីជាន់ខ្ពស់ម្នាក់នៅអង្គការសហប្រជាជាតិ បានបង្ហើបឱ្យដឹងកាលពីពេលថ្មីៗថា អង្គការសហប្រជាជាតិនឹងត្រូវបង្ខំចិត្តកាត់បន្ថយកងកម្លាំងរក្សាសន្តិភាពន…
កាលពីប៉ុន្មានសប្ដាហ៍មុនប្រធានាធិបតីអាម៉េរិក លោក ដូណាល់ ត្រាំ បានដាក់ចេញផែនការសន្តិភាពមួយសម្រាប់ការបញ្ចប់សង្គ្រាមនៅតំបន់ហ្កាហ្សា ជាមួយការបង្កើតគណៈកម្មាធិការអន្តរជាតិមួយក្រោមដឹកនាំរបស់លោក ត្រាំ និងអតីតនាយករដ្ឋមន្ត្រីអង់គ្លេស លោក តូនី ប្លែរ (Tony Blair) ព្រមទាំងអន្តរការីអន្តរជាតិមួយចំនួន។ លោក ត្រាំ បានអះអាងកាលពីថ្ងៃទី៨ ខែតុលា ថា ឥឡូវអ៊ីស្រាអែល និងក្រុមហាម៉ាស បានយល់ព្រមក្នុងដំណាក់កាលដំបូងនៃកិច្ចព្រមព្រៀងសន្តិភាពនៅតំបន់ហ្កហ្សាហើយ។ តាមរយៈកិច្ចព្រមព្រៀងនេះនឹងឃើញការដោះលែងចំណាប់ខ្មាំងអ៊ីស្រាអែល និងអ្នកទោសប៉ាឡេស្ទីន ការដកកងកម្លាំងអ៊ីស្រាអែលចេញពីតំបន់ហ្កាហ្សា និងការនាំយកជំនួយចូលក្នុងតំបន់ហ្កាហ្សា។
លោក ត្រាំ បាននិយាយថា ការណ៍នេះ មានន័យថា ចំណាប់ខ្មាំងទាំងអស់នឹងត្រូវដោះលែងក្នុងពេលឆាប់ៗនេះអាចនៅថ្ងៃសៅរ៍ ចុងសប្ដាហ៍នេះ ឬក៏នៅថ្ងៃចន្ទ ដើមសប្ដាហ៍ក្រោយ ខណៈដែលអ៊ីស្រាអែលនឹងដកកងទ័ពទៅកាន់បន្ទាត់ព្រមព្រៀងគ្នាពីមុន ដែលជាជំហានដំបូងឆ្ពោះទៅរកសន្តិភាពដ៏រឹងមាំ យូរអង្វែង និងជានិរន្តរ៍។
ដោយ៖ សុខ មង្គល
