តើមូលហេតុអ្វីខ្លះ បានជាកម្ពុជាអាចនាំចេញផលិតផលកសិកម្មភាគច្រើនត្រឹមទីផ្សារប្រទេសក្បែរខាង ?
ព័ត៌មាន
•
ការនាំចេញផលិតផលកសិកម្មរបស់កម្ពុជា បច្ចុប្បន្ននៅតែមានការពឹងផ្អែកខ្លាំងទៅលើទីផ្សារប្រទេសជិតខាង ខណៈការនាំចេញដោយត្រង់ទៅកាន់ទីផ្សារក្រៅប្រទេសគ…
មជ្ឈមណ្ឌលជាតិស្រាវជ្រាវ និងអភិវឌ្ឍន៍ស្រូវកូនកាត់របស់ចិន ហៅកាត់ថា មជ្ឈមណ្ឌលស្រាវជ្រាវស្រូវហ៊ូណានបានចេញលទ្ធផលវាយតម្លៃពីការដាំសាកល្បងដោយបង្ហាញពីទិន្នផលស្រូវដែលទទួលបានកាលពីរដូវប្រមូលផលលើកទី១មានតែជិត ១៤ តោនក្នុងមួយហិកតា ហើយសរុបទិន្នផលទាំង២លើកនៅឆ្នាំនេះ ឃើញថាសម្រេចបានជិត ២៤ តោនក្នុងមួយហិកតា។
សូមជម្រាបថា ស្រូវប្រភេទនេះ ត្រូវបានបង្កើតឡើងដោយក្រុមអ្នកជំនាញផ្នែកកសិកម្មដ៏ល្បីល្បាញរបស់ប្រទេសចិនឈ្មោះ យ៉ាន ឡុងពីង នៅខេត្តហ៊ូណាន ប្រទេសចិន ហើយវាអាចធ្វើបាន២ដងក្នុងមួយឆ្នាំ ដោយរដូវទីមួយ អាចធ្វើឡើងចាប់ពីចុងខែឧសភាដល់ចុងខែកក្កដា និងមួយរដូវទៀតចាប់ផ្តើមពីចុងខែកក្កដាហើយប្រមូលផលនៅខែវិច្ឆិកា។ កសិករ ក៏អាចជ្រើសរើសយកការដាំដុះតែម្ដងក្នុងមួយឆ្នាំក៏បាន ដោយអាចដាំបានចាប់ពីចុងខែមិថុនា និងប្រមូលផលនៅចុងខែតុលា។
ទោះយ៉ាងណា បើចំពោះដំណាំស្រូវដែលប្រមូលផលតែម្ដង គឺមានផលិតភាពខ្ពស់ ប៉ុន្តែបើធៀបនឹងទិន្នផលប្រចាំឆ្នាំសរុបរបស់វាគឺទាបជាងដំណាំស្រូវដែលប្រមូលផល២ដង។
សូមជម្រាបថា តាមការរាយការណ៍ពីសារព័ត៌មាន Global Times ប្រភេទស្រូវកូនកាត់របស់ប្រទេសចិនបានផ្គត់ផ្គង់ដល់ពលរដ្ឋ ១ភាគ៥ នៃប្រជាជនលើពិភពលោកសរុប ដោយបានប្រើប្រាស់ផ្ទៃដីដាំដុះតិចជាង ៩% នៃផ្ទៃដីសរុបរបស់ពិភពលោក។ ប្រភេទស្រូវកូនកាត់របស់ចិន ក៏ត្រូវបានដាំដុះយ៉ាងទូលំទូលាយនៅក្នុងប្រទេស និងតំបន់ជាង ៦០ ដែលមានផ្ទៃដីដាំដុះក្រៅប្រទេសប្រមាណ ៧ លានហិកតាផងដែរ៕
អត្ថបទ ស៊ើង និមល់
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
