ក្រុមហ៊ុនយក្ស LG បានសម្រចចិត្ត បញ្ឈប់ផលិតកម្មស្មាតហ្វូនរបស់ខ្លួនចោល ហើយកំពុងលក់អាជីវកម្ម ដើម្បីឈានទៅបិទរោងក្រផលិតកម្មនៅពេលេខាងមុខ។
ទោះយ៉ាងណា ក្រុមហ៊ុននេះនៅមិនទាន់អាចរកបានអ្នកទិញយករោងចក្រផលិតកម្មរបស់ខ្លួននៅក្នុងទីក្រុងហៃផុងប្រទេសវៀតណាមនៅឡើយទេ ដែលរោងចក្រមួយនេះ អាចផលិតស្មាតហ្វូនប្រហែល១០លានគ្រឿងក្នុងមួយឆ្នាំៗ និងមានប្រហែលពាក់កណ្ដាលនៃទិន្នផលសរុបរបស់ក្រុមហ៊ុន LG។
ការរាយការណ៍បានឲ្យដឹងទៀតថា ក្រុមហ៊ុនផលិតទូរស័ព្ទវៀតណាម មានរោងចក្រក្នុងស្រុករបស់ខ្លួនជាមួយនឹងសមត្ថភាពគ្រប់គ្រាន់រួចទៅហើយ និងមិនអាចចំណាយទៅលើការទិញយករោងចក្ររបស់ LG ដែលមានតម្លៃប្រមាណ ៩០លានដុល្លារអាមេរិកនោះបានទេ។
អត្ថបទទាក់ទង
ប្រភពព័ត៌មានបានគូសបញ្ជាក់ទៀតថា បើសិនជា LG មិនអាចលក់រោងចក្ររបស់ខ្លួនទាំងមូលបានទេ នោះក្រុមហ៊ុនអាចពិចារណាលក់ផ្នែកខ្លះនៃរោងចក្របាន។
ក្រុមហ៊ុនផលិតស្មាតហ្វូន LG បានប្រកាសពីការខាតបង់សរុប ៤ពាន់៥រយលានដុល្លារ ក្នុងរយៈពេល៥ឆ្នាំជាប់ៗគ្នាមកហើយ។ ក្រុមហ៊ុននេះ បានបញ្ជាក់ថា ការបោះបង់ចោលអាជីវកម្មស្មានហ្វូន ដែលមានការប្រកួតប្រជែងខ្លាំង អាចនឹងជួយជំរុញឲ្យក្រុមហ៊ុននេះ អាចផ្ដោតលើការផលិតគ្រឿងបង្គុំរថយន្ដអគ្គិសនី ក៏ដូចជាការផលិតឧបករណ៍ឆ្លាតវៃសម្រាប់គេហដ្ឋានផ្សេងទៀត៕
ចុច Like Facebook Page របស់ខេមបូណូមីស និងចូលរួមក្នុង Telegram ដើម្បីទទួលបានព័ត៌មានថ្មីៗលឿនរហ័សមុនគេ: https://t.me/cambonomist
None
