ខេត្តជាប់មាត់សមុទ្ររំពឹងស្រូបទាញភ្ញៀវទេសចរបានច្រើនក្នុងឱកាសបុណ្យភ្ជុំបិណ្ឌឆ្នាំនេះ
រៀងរាល់ពេលមានពិធីបុណ្យទានម្ដងៗ ពលរដ្ឋខ្មែរតែងតែឆ្លៀតធ្វើដំណើរកម្សាន្តជួបជុំជាមួយសាច់ញាតិទៅកាន់តំបន់ទេសចរណ៍នានា។ ដើម្បីទាក់ទាញអ្នកទេសចរ…
ព្រឹត្តិការណ៍ដាំដើមឈើមិនត្រឹមតែមានគោលបំណងបង្កើតកន្លែងបៃតង និងម្លប់បន្ថែមទៀតប៉ុណ្ណោះទេ ប៉ុន្តែវាក៏ជាជំហានជាក់ស្តែងមួយផងដែរ ដើម្បីកែលម្អគុណភាពខ្យល់ ការពារប្រព័ន្ធអេកូឡូស៊ីធម្មជាតិ និងកាត់បន្ថយផលប៉ះពាល់នៃការប្រែប្រួលអាកាសធាតុ។ ដើមឈើទាំងនេះនឹងដើរតួនាទីយ៉ាងសំខាន់ក្នុងការអភិវឌ្ឍន៍ប្រកបដោយចីរភាពនៃតំបន់បេតិកភណ្ឌអង្គរ បង្កើតបរិយាកាសរស់នៅប្រកបដោយសុខភាព និងធម្មជាតិកាន់តែច្រើន។
ថ្លែងក្នុងពិធីនេះ លោក Le Duc Anh ប្រធានផ្នែកទីផ្សារនៃក្រុមហ៊ុន Metfone បានចែករំលែកថា៖ “ការការពារបរិស្ថានគឺជាផ្នែកសំខាន់មួយនៃយុទ្ធសាស្ត្រអភិវឌ្ឍន៍ប្រកបដោយចីរភាពរបស់មិត្តហ្វូន។ ការដាំដើមឈើថ្ងៃនេះមិនមែនគ្រាន់តែជាសកម្មភាពតែមួយប៉ុណ្ណោះទេ ប៉ុន្តែជាការប្តេជ្ញាចិត្តរយៈពេលវែងសម្រាប់សហគមន៍ និងមនុស្សជំនាន់ក្រោយ។ យើងជឿជាក់ថាដើមឈើនីមួយៗរួមចំណែកក្នុងការកសាងបរិស្ថានកាន់តែបៃតង និងនិរន្តរភាពបន្ថែមទៀតសម្រាប់តំបន់ និងប្រទេសកម្ពុជាទាំងមូល។”
តំណាងក្រុមហ៊ុន Metfone ក៏បានបញ្ជាក់ផងដែរថា ក្រុមហ៊ុននឹងបន្តអនុវត្តគំនិតផ្តួចផ្តើមដើម្បីលើកកម្ពស់និរន្តរភាព រួមទាំងការការពារធនធានធម្មជាតិ ការលើកទឹកចិត្តដល់ការចូលរួមរបស់សហគមន៍នៅក្នុងកម្មវិធីការពារបរិស្ថាន និងការជំរុញការផ្លាស់ប្តូរបៃតងនៅក្នុងគម្រោងរបស់ខ្លួន។
ព្រឹត្តិការណ៍ដាំដើមឈើមិនត្រឹមតែផ្តល់ផលប្រយោជន៍ដល់បរិស្ថានប៉ុណ្ណោះទេ ថែមទាំងលើកកម្ពស់ការយល់ដឹងជាសាធារណៈអំពីសារៈសំខាន់នៃការអភិរក្សធនធានធម្មជាតិផងដែរ។ មិត្តហ្វូនប្តេជ្ញាបន្តកិច្ចសហប្រតិបត្តិការជាមួយរដ្ឋាភិបាល និងអង្គការសង្គមនានា ដើម្បីការពារបរិស្ថាន និងលើកកម្ពស់ការអភិវឌ្ឍប្រកបដោយចីរភាពនៅកម្ពុជា៕
