សម្តេចធិបតី លើកទឹកចិត្តឱ្យអង្គការ ILO បន្តគាំទ្រវិស័យការងារនៅកម្ពុជាបន្ថែម ពិសេសការកសាងមូលធនមនុស្ស
សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានវាយតម្លៃខ្ពស់ចំពោះការប្តេជ្ញាចិត្តរបស់អង្គការ ILO ក្នុងការបន្តគាំទ្រ និងចូលរួមចំណែកអភិវ…
ក្រុមហ៊ុនផ្គត់ផ្គង់គ្រឿងបន្លាស់ជប៉ុន មីនីប៊ី-មីតស៊ូមិ (MinebeaMitsumi) គ្រោងបោះទុនវិនិយោគក្នុងទំហំទឹកប្រាក់ប្រមាណ២០៦លានដុល្លារអាម៉េរិក ដើម្បីសាងសង់រោងចក្រមួយបន្ថែមទៀតនៅប្រទេសកម្ពុជា ដើម្បីបំពេញតម្រូវការដែលកំពុងកើនឡើងពីសំណាក់ឧស្សាហកម្មរថយន្ត និងឧស្សាហកម្មផ្សេងៗទៀត។
យោងតាមផែនការបង្ហាញថា ការសាងសង់រោងចក្រនៅកម្ពុជា នឹងចាប់ផ្តើមនៅឆ្នាំសារពើពន្ធ២០២៤ ហើយរំពឹងចាប់ផ្ដើមដាក់ឱ្យដំណើរការនៅដើមឆ្នាំសារពើពន្ធឆ្នាំ២០២៦។ រោងចក្រនេះនឹងផលិតគ្រឿងបន្លាស់រថយន្ត និងគ្រឿងបន្លាស់សម្រាប់គ្រឿងចក្រ។
ក្រុមហ៊ុនជប៉ុន មីនីប៊ី-មីតស៊ូមិ (MinebeaMitsumi) គ្រោងបោះទុនសរុប៣២០លានដុល្លារ សម្រាប់ទីផ្សារកម្ពុជា និងទីផ្សារថៃ ដោយក្រុមហ៊ុនគ្រោងចំណាយ២០៦លានដុល្លារ សម្រាប់ការសាងសង់រោងចក្រផលិតគ្រឿងបន្លាស់នៅកម្ពុជា ហើយសល់ប៉ុន្មានសម្រាប់ការបង្កើនផលិតកម្មថាមពលសូឡានៅរោងចក្រក្នុងប្រទេសថៃ។
សូមបញ្ជាក់ថា ក្រុមហ៊ុនជប៉ុន មីនីប៊ី-មីតស៊ូមិ (MinebeaMitsumi) មានប្រតិបត្តិការនៅក្នុងប្រទេសកម្ពុជារួចជាស្រេចទៅហើយ ដោយបច្ចុប្បន្នផលិតដូចជាម៉ូទ័រតូចៗជាដើម។ ប៉ុន្តែដើម្បីបំពេញតម្រូវការទីផ្សារដែលកំពុងកើនឡើង ក្រុមហ៊ុនក៏បានសម្រេចចិត្តបោះទុនដើម្បីពង្រីកខ្សែច្រវាក់ផលិតកម្មបន្ថែមទៀតនៅទីនេះ៕
ដោយ: តែម សុខុម
