តើធនាគារកណ្ដាលចិន ដាក់ចេញវិធានការអ្វីខ្លះ ដើម្បីស្តារវិស័យអចលនទ្រព្យ និងជំរុញកំណើនសេដ្ឋកិច្ច?
ធនាគារកណ្តាលចិន កាលពីថ្ងៃទី២៤ កញ្ញា បានប្រកាសដាក់ចេញវិធានការជាច្រើនរួមទាំងការកាត់បន្ថយអនុបាតដើមទុនបម្រុងអប្បបរមារបស់គ្រឹះស្ថានធនាគារ ន…
ធនាគារ Vietcombank បានបញ្ចុះអត្រាប្រាក់ចន្លោះពី០,៥% រហូតដល់២% គិតចាប់ពីថ្ងៃទី៦ ខែកញ្ញា ដល់ថ្ងៃទី៣១ ខែធ្នូ សម្រាប់អតិថិជនទាំងអស់របស់ខ្លួនដែលបានរងការខូចខាតយ៉ាងធ្ងន់ធ្ងរបណ្ដាលមកពីព្យុះទីហ្វុងដ៏កំណាច Yagi ដោយគ្របដណ្ដប់លើទំហំឥណទានសរុបប្រមាណជាង៦ពាន់លានដុល្លារអាម៉េរិក។
ទន្ទឹមនេះ ធនាគារ Agribank ក៏បានបញ្ចុះអត្រាការប្រាក់ស្រដៀងគ្នាផងដែរ ព្រមទាំងលើកលែងការប្រាក់ដែលបង់យឺតទៀតផងរហូតដល់ដំណាច់ឆ្នាំ២០២៤ សម្រាប់អតិថិជនចាស់របស់ខ្លួន។ លើសពីនេះ សម្រាប់ឥណទានថ្មីៗធនាគារនេះនឹងបញ្ចុះអត្រាការប្រាក់០,៥% រហូតដល់៦ខែផងដែរ។
កាលពីពេលថ្មីៗនេះ ធនាគារ BIDV បានប្រកាសបញ្ចុះអត្រាការប្រាក់រហូតដល់ទៅ២% ក្នុងមួយឆ្នាំអាស្រ័យលើទំហំនៃការខូចខាត និងលក្ខខណ្ឌនៃឥណទាន។ ការបញ្ចុះអត្រាការប្រាក់នេះ នឹងត្រូវអនុវត្តចំពោះឥណទានសរុបជាង៤លានដុល្លារអាម៉េរិក ព្រមទាំងសម្រាប់ឥណទានចាស់ និងឥណទានថ្មីគិតចាប់ពីថ្ងៃទី២០ ខែកញ្ញា ដល់ថ្ងៃទី៣១ ខែធ្នូ។
ក្រៅពីធនាគារទាំងពីរខាងលើ ក៏មានធនាគារធំៗចំនួន១០ផ្សេងទៀត ក៏បានបញ្ចុះអត្រាការប្រាក់ជូនអតិថិជនរបស់ខ្លួនផងដែរ។ ទន្ទឹមនេះ មានធនាគារមួយចំនួនបានបញ្ចុះអត្រាការប្រាក់រហូតដល់១០០% សម្រាប់អតិថិជនរបស់ខ្លួនរហូតដល់ដំណាច់ឆ្នាំ២០២៤ នេះ។
លោក ង៉ោ ធូ ហា (Ngo Thu Ha) អគ្គនាយកធនាគារ SHB បាននិយាយថា ធនាគារនេះនឹងវាយតម្លៃយ៉ាងសកម្មនូវការខូចខាតជាក់ស្ដែង និងផ្តល់ការបញ្ចុះអត្រាការប្រាក់ជូនអតិថិជន។ ស្ថិតិរបស់ធនាគារកណ្ដាលវៀតណាម បានបង្ហាញថា អតិថិជនជាង៨ម៉ឺន៣ពាន់នាក់ ដែលមានឥណទានមិនទាន់ទូទាត់សងជិត៥ពាន់លានដុល្លារអាម៉េរិក បានរងផលប៉ះពាល់ដោយសារព្យុះទីហ្វុងដ៏កំណាច Yagi។
ធនាគារកណ្តាលវៀតណាម បានស្នើឱ្យបណ្ដាធនាគារពាណិជ្ជនានាខិតខំប្រឹងប្រែងបញ្ចុះកាអត្រាការប្រាក់ ដើម្បីជួយដល់អតិថិជនដែលរងផលប៉ះពាល់ដោយសារព្យុះ Yagi និងដើម្បីធានានូវតម្លាភាពក្នុងគោលបំណងទប់ស្កាត់ការកេងចំណេញលើគោលនយោបាយរបស់ធនាគារកណ្ដាលវៀតណាម៕
ដោយ: តែម សុខុម
None
