ការចាក់សាកល្បងនៃវ៉ាក់សាំងនេះ ត្រូវបានគេឱ្យឈ្មោះថា HIV-CORE 0052 គឺជាការដើម្បីវាយតម្លៃសុវត្ថិភាព និងភាពស៊ាំនៃវ៉ាក់សាំង HIVconsvX ដែលក្នុងនោះវ៉ាក់សាំង ផ្តោតលើភាពខុសគ្នានៃមរោគ HIV-1 ដែលធ្វើឱ្យសភាពឆ្លងលឿននៃវីរុសHIVតំបន់ងាយឆ្លង។
មនុស្សចំនួន១៣នាក់ដែលជាអ្នកមានសុខភាពល្អគិតចាប់ពីអាយុ ១៨-៦៥ ឆ្នាំត្រូវបានគេចាត់ទុកថាមិនមានហានិភ័យខ្ពស់ក្នុងការឆ្លងនោះ នឹងត្រូវសាកល្បងទទួលការចាក់ចាក់វ៉ាក់សាំងបង្ការមេរោគអេដស៍នេះសម្រាប់ដូសទី១ដំបូង ហើយត្រូវរង់ចាំដល់ដល់៤សប្ដាហ៍ទើបចាក់ដូសបន្ទាប់ទៀត។
គួរបញ្ជាក់ផងដែរថា ការសាកល្បងនេះ គឺជាផ្នែកមួយនៃគំនិតផ្តួចផ្តើមវ៉ាក់សាំងការពារជម្ងឺអេដស៍អ៊ឺរ៉ុប (EAVI2020) ដែលជាគម្រោងស្រាវជ្រាវសហប្រតិបត្តិការអន្តរជាតិ ដែលផ្តល់មូលនិធិដោយគណៈកម្មការអឺរ៉ុបក្រោមកម្មវិធីសុខភាព Horizon ២០២០ សម្រាប់ការស្រាវជ្រាវ និងការច្នៃប្រឌិត។
អត្ថបទគួរអាន
លោក Tomá Tom Hanke សាស្រ្តាចារ្យផ្នែកវ៉ាក់សាំងនៅវិទ្យាស្ថានជេនណឺ នៃសាកលវិទ្យាល័យ Oxford និងជាអ្នកដឹកនាំការស្រាវជ្រាវលើការសាកល្បងនេះបាននិយាយថា“ វ៉ាក់សាំងការពារមេរោគអេដស៍មានប្រសិទ្ធភាពក្នុងរយៈពេល ៤០ ឆ្នាំ។ ការសាកល្បងនេះ គឺជាលើកដំបូងនៅក្នុងការវាយតម្លៃជាបន្តបន្ទាប់នៃកាយុទ្ធសាស្ត្រវ៉ាក់សាំងថ្មី ដោយុទ្ធសាស្ត្រានេះ គឺមានទាំងការចាក់វ៉ាក់សាំងទៅឲ្យទាំងបុគ្គលគ្មានផ្ទុកមេរោគអេដស៍សម្រាប់ការការពារ និងអ្នកផ្ទុកមេរោគអេដស៍ដើម្បីព្យាបាល។
ទោះបីការឆ្លងនៃមេរោគអេដស៍មានភាពធ្លាក់ចុះស្របពេលមេរោគអេដស៍ថ្មីការឆ្លងតិចជាង ៥ សែននាក់ក្នុងមួយឆ្នាំក្នុងឆ្នាំ ២០២០ក៏ដោយ ការចាក់វ៉ាក់សាំង HIV-1 បង្កើនការព្យាបាល និងការបង្ការប្រឆាំងនឹងមេរោគអេដស៍ នៅតែជាដំណោះស្រាយដ៏ល្អបំផុត ហើយទំនងជាសមាសធាតុដ៏សំខាន់ក្នុងការបញ្ចប់ការរីករាលដាលនៃជំងឺអេដស៍។ ក្រុមអ្នកស្រាវជ្រាវសង្ឃឹមថា លទ្ធផលនៃការសាកល្បងការចាក់វ៉ាក់សាំង HIV-CORE 0052 នឹងចេញនៅត្រឹមខែមេសាឆ្នាំ ២០២២ ។
សាកលវិទ្យាល័យ Oxford ក៏មានផែនការនឹងចាប់ផ្ដើមចាក់វ៉ាក់សាំងសាកល្បងស្រដៀងគ្នានេះ នៅក្នុងតំបន់អឺរ៉ុប អាហ្វ្រិក និងអាមេរិកផងដែរ៕
អត្ថបទ៖ ស៊ើង និមល់
None
