គម្រោងស្ពានថ្មីដ៏វែងអស្ចារ្យប្រវែងជាង៣០គីឡូម៉ែត្ររបស់ហ្វីលីពីន ត្រូវបានអនុម័ត

គម្រោងស្ពានដ៏មហិច្ឆតានេះ ត្រូវបានអនុម័តជាផ្លូវការដោយអាជ្ញាធរសេដ្ឋកិច្ច និងអភិវឌ្ឍន៍ជាតិ ហ្វីលីពីន (NEDA) ក្រោមទំហំទុនវិនិយោគរហូតដល់ទៅប្រមាណ៣ពាន់លានដុល្លារអាម៉េរិក។

តាមការរំពឹងទុក នៅពេលសាងសង់រួចជាស្ពាពរ និងដាក់ឱ្យដំណើរការ គម្រោងស្ពានដែលមានឈ្មោះថា បាតាអាន-កាវីតេ អ៊ីនធើលីង ប៊្រីច (Bataan-Cavite Interlink Bridge) នេះនឹងកាត់បន្ថយពេលវេលាធ្វើដំណើររវាងតំបន់បាតាអាន (Bataan) នៅជ្រោយខាងជើងនៃឆកសមុទ្រម៉ានីឡា និងខេត្តកាវីតេ (Cavite) ដែលស្ថិតនៅជ្រោយភាគខាងត្បូងបានច្រើនគួរឱ្យភ្ញាក់ផ្អើល។

សូមបញ្ជាក់ថា បច្ចុប្បន្នការធ្វើដំណើររវាងតំបន់ទាំងពីរខាងលើនេះ ត្រូវចំណាយពេលយូររហូតដល់ទៅប្រមាណ៥ម៉ោងឯណោះ ប៉ុន្តែបើមានស្ពាននេះការធ្វើដំណើររវាងតំបន់ទាំងពីរនេះនឹងប្រើពេលត្រឹមតែ៤៥នាទីប៉ុណ្ណោះ៕