អឺរ៉ុបនឹងពង្រឹងការផលិតបន្ទះឈីបរបស់ខ្លួនជួយផ្គត់ផ្គង់អាមេរិក
ព័ត៌មាន
•
សហគមន៍អឺរ៉ុបបានដាក់ចេញនូវផែនការ ដោយបានអំពាវនាវឱ្យក្រុមប្រទេសក្នុងសហគមន៍អឺរ៉ុបទាំងអស់ សម្រុកផលិតនូវគ្រឿងបង្គុំឧបករណ៍អេឡិចត្រូនិក ពិសេ…
មន្ត្រីជាន់ខ្ពស់អគ្គនាយកដ្ឋានកៅស៊ូបានលើកឡើងថា តម្លៃជ័រកៅស៊ូបានចាប់ផ្តើមឡើងថ្លៃជាបន្តបន្ទាប់ក្នុងរយៈពេលប៉ុន្មានខែចុងក្រោយនេះ ដែលធ្វើឲ្យថៅកែៗ និង កសិករហាក់មានការសប្បាយចិត្តបន្តិច ខណះអ្នកកាប់ដើមកៅស៊ូចោលទៅដាំដំណាំផ្សេងៗ ហាក់បីដូចខកចិត្តសោកស្តាយ។
ស្របពេលការនាំចេញអង្ករដាំដូងចុះ ការនាំចេញជ័រកៅស៊ូទៅកាន់ទីផ្សារអន្តរជាតិកើនឡើងទៅវិញ ។ ជាក់ស្ដែង នៅក្នុងខែកុម្ភៈកន្លងទៅថ្មីៗនេះ កម្ពុជាបាននាំចេញជ័រកៅស៊ូសរុបចំនួន ជាង ៣ម៉ឺនតោន កើនឡើង១២% បើធៀបនឹងរយៈពេលដូចគ្នាឆ្នាំមុន។
តម្លៃជ័រកៅស៊ូនៅក្នុងខែកុម្ភៈ ជាមធ្យមតម្លៃជាង១៥០០ដុល្លារក្នុងមួយតោន កើនឡើងជាង ១០០ដុល្លារ កើនជិត១០ បើធៀបនឹងខែកុម្ភៈមុន។
តើមានកត្តាអ្វីខ្លះ ដែលជំរុញឲ្យមានការនាំចេញជ័រកៅស៊ូកម្ពុជាកើនឡើង និង តម្លៃក៏កើនឡើងនៅដើមឆ្នាំ២០២១នេះ?
ឯកឧត្តម ប៉ុល សុផា ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានកៅស៊ូ បានពន្យល់ថា ហេតុផលដែលកម្ពុជានាំចេញជ័រកៅស៊ូកើនឡើង ក៏ដោយសារតម្រូវការជ័រកៅស៊ូនៅលើទីផ្សារអន្តរជាតិមានតម្រូវការកើនឡើងដូចគ្នា។
បណ្តាប្រទេសធំៗមួយចំនួនក្នុងតំបន់អាស៊ាន រងផលប៉ះពាល់ខ្សែចង្វាក់ផលិតជ័រកៅស៊ូ ដោយសារវិបត្តិខ្វះកម្លាំងពលកម្ម ក៏ជាកត្តារួមចំណែកជួយឲ្យការនាំចេញជ័រកៅស៊ូរបស់កម្ពុជាកើនឡើងផងដែរ។
ដាក់សំឡេងឯកឧត្តម ប៉ុល សុផា ២ (សម្ភាសន៍តាមទូរស័ព្ទ)
ម្ចាស់ចម្ការកៅស៊ូម្នាក់ឈ្មោះ ខេង ស៊ាងឡាំង រស់នៅនិងដាំកៅស៊ូនៅក្នុងខេត្តរតនគិរី បានបញ្ជាក់អះអាងថា ដើមកៅស៊ូរបស់គាត់ឆ្នាំនេះ បានផ្តល់ទិន្នផលកើនឡើងគួរឲ្យកត់សម្គាល់ ចំណែកឯ តម្លៃលក់ចេញក៏ទទួលបានខ្ពស់ជាងមុនផងដែរ។
បើតាមរបាយការណ៍របស់ក្រសួងកសិកម្ម កម្ពុជាមានផ្ទៃដីដាំកៅស៊ូសរុបចំនួនជាង៤០ម៉ឺនហិកតា ក្នុងនោះ កៅស៊ូដែលអាចជៀជ័របានមានចំនួនជាង ២៩ម៉ឺនហិកតា និងកៅស៊ូស្ថិតក្នុងដំណាក់កាលថែទាំមានចំនួនជាង១១ម៉ឺនហិកតា៕
សូមទស្សនាសេចក្តីរាយការណ៍បន្ថែមខាងក្រោម៖
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
