ប្រជាជនថៃជាង ១,៣ លាននាក់ធ្លាក់ខ្លួនឈឺនៅឆ្នាំដើមឆ្នាំ២០២៣ ដោយសារការបំពុលបរិយាកាស
អគ្គនាយកដ្ឋានគ្រប់គ្រងជំងឺរបស់ប្រទេសថៃ បានអះអាងថា កម្រិតបំពុលបរិយាកាស ដែលហៅថា PM2.5 បានធ្វើឲ្យពលរដ្ឋថៃប្រមាណជា ១លាន៣សែននាក់កាលពីខែមករា…
អ្នកវិភាគនៅធនាគារ Citigroup ដែលជាធនាគារដ៏ធំរបស់សហរដ្ឋអាមេរិកបានអះអាងថា ប្រសិនបើរុស្ស៊ីទាញយកលោហៈធាតុទាំងនេះចូលទៅពាក់ព័ន្ធនឹងសង្រ្គាមលុកលុយអ៊ុយក្រែន បន្ថែមទៀតនោះ វានឹងបង្កផលប៉ះពាល់ដល់តម្លៃ និង ទីផ្សារ ក៏ដូចជាផលិតកម្មនៃឧស្សាហកម្មផ្សេងនៅលើពិភពលោក ដែលមានទំនាក់ទំនងនឹងលោហៈធាតុទាំងនេះ ។
ប្រភពដដែលបានបន្តថា ប្រសិនបើរុស្ស៊ីដាក់ការរិតត្បិតបែបនោះមែន នោះវានឹងបង្កផលប៉ះពាល់ ដល់ប្រតិបត្តិការសម្រាប់ក្រុមហ៊ុនផលិតនៅជុំវិញពិភពលោកគួរសមដែរ ខណៈដែលនៅពេលនេះ បណ្តាក្រុមហ៊ុនទាំងនោះកំពុងតែស៊ូទ្រាំយ៉ាងលំបាកនៅក្នុងការប្រឈមមុខនឹងតម្លៃនៃអត្រាអតិផរណាដ៏ខ្ពស់ស្រាប់ទៅហើយនោះ ។
ក្រុមហ៊ុនបណ្តាញធនាគារដ៏ធំនេះ បានឲ្យដឹងថា នៅពេលនេះរុស្ស៊ីគឺជាប្រទេសដែលកំពុង តែកាន់កាប់ទីផ្សារអាលុយមីញ៉ូមប្រមាណជា ១៥% នៃទីផ្សារសរុប ខណៈដែលគេដឹងថា លោហធាតុនេះ គឺមានសារៈសំខាន់សម្រាប់ផលិតកម្មយន្តហោះ រហូតដល់ ផលិតផលចាំបាច់នានានៅក្នុងផ្ទះបាយ។
ធនាគារសហរដ្ឋអាមេរិកដដែលនេះ ក៏បានបន្ថែមទៀតថា សម្រាប់ប៉ាឡាដ្យូមវិញគេដឹងថា រុស្ស៊ីអាចជាអ្នកផ្គត់ផ្គងរ៉ែប្រភេទនេះ រហូតដល់ទៅមួយភាគបួននៃការផ្គត់ផ្គង់ពិភពលោក ហើយរ៉ែប្រភេទនេះសំខាន់សម្រាប់ឧស្សាហកម្មគ្រឿងម៉ាស៊ីនជាពិសេស គឺប្រព័ន្ធគ្រប់គ្រងការបំភាយឧស្ម័នកាបូនិចទៅក្នុងស្រទាប់បរិយាកាស ។
ក្រៅពីលោហៈធាតុទាំងនេះ រុស៊្សីក៏ជាប្រទេសដែលកាន់កាប់ចំណែកទីផ្សារ និងការផ្គត់ផ្គង់ធនធានរ៉ែដែលចាំបាច់សម្រាប់ឧស្សាហកម្មជាច្រើនប្រភេទថែមទៀត ដែលពិភពលោក កំពុងតែត្រូវការ ក្រៅពីប្រេង ឧស្ម័ន ស្បៀងអាហារនោះ ។
