ក្រុមហ៊ុនយក្សវៀតណាម Xiaomi ចាប់ផ្ដើមផលិតកម្មស្មាតហ្វូនរបស់ខ្លួននៅវៀតណាម
ក្រុមហ៊ុនយក្សចិន Xiaomi ដែលមានផលិតឧបករណ៍បច្ចេកវិទ្យាជាច្រើនរួមទាំងស្មាតហ្វូនផងដែរនោះ បានប្រកាសនៅនៅដើមសប្ដាហ៍នេះថា រោងចក្រផលិតស្មាតហ្វូនរ…
ចាប់ពីថ្ងៃទី១មិថុនានេះតទៅ ប្រទេសម៉ាឡេស៊ីនឹងហាមឃាត់ការនាំចេញមាន់ចំនួន៣លាន៦សែនលានក្បាលក្នុងមួយខែ ដើម្បីសម្រួលដល់ការកើនឡើងនូវតម្លៃម្ហូបអាហារ និងដើម្បីធានាដល់ការផ្គត់ផ្គង់ក្នុងស្រុកឱ្យបានគ្រប់គ្រាន់ផងដែរ។
វិធានការនេះបានធ្វើឱ្យហាងលក់ផលិតផលសាច់មាន់មួយចំនួននៅប្រទេសសិង្ហបុរីប្រឈមនឹងការខ្វះខាតផលិតផលសាច់មាន់ ដើម្បីផ្គត់ផ្គង់អតិថិជនរបស់ពួកគេ ហើយក្រុមអ្នកប្រើប្រាស់មានការបារម្ភកាន់តែខ្លាំងចំពោះការខ្វះខាតសាច់មាន់នេះ។
លោក William Tan អ្នកជំនាញខាងផ្នែកម្ហូបអាហារបាននិយាយថា គ្រួសារនៅក្នុងប្រទេសសិង្ហបុរីចូលចិត្តម្ហូបសាច់មាន់ ហើយពួកគេញ៉ាំវាប្រហែលពីរទៅបីដងក្នុងមួយសប្តាហ៍។ ទោះយ៉ាងណា លោកថា នៅមានម្ចាស់តូបលក់បាយមាន់ជាច្រើន មិនបានដំឡើងថ្លៃបាយនោះទេ ប៉ុន្តែ ពួកគេកំពុងធ្វើការចំណាយបន្ថែមទៀតចំពោះអាជីវកម្មរបស់ពួកគេ ប៉ុន្ដែ វានឹងមិនមាននិរន្តរភាពនោះទេ ប្រសិនបើសាច់មាន់នៅតែបន្ដឡើងថ្លៃ។
កាលពីឆ្នាំមុនប្រទេសសិង្ហបុរីបាននាំចូលសាច់មាន់ប្រហែល ៣៤% មកពីប្រទេសម៉ាឡេស៊ី ដោយស្ទើរតែទាំងអស់ត្រូវបាននាំចូលជាមាន់រស់។
ទីភ្នាក់ងារស្បៀងអាហារសិង្ហបុរីបាននិយាយថា វិធានការរឹតបន្តឹងនាំចេញសាច់មាន់របស់ម៉ាឡេស៊ីនេះអាចធ្វើឱ្យមានការរំខានជាបណ្តោះអាសន្នដល់ការផ្គត់ផ្គង់សាច់មាន់ក្លាសេ ហើយបានជំរុញឱ្យអ្នកប្រើប្រាស់ងាកទៅទទួលទានម្ហូបផ្សេងពីសាច់មាន់វិញ។
កាសែត Straits Times បានរាយការណ៍ពីថ្ងៃចន្ទថា ក្រុមអ្នកនាំចូលសាច់មាន់កំពុងជំរុញឱ្យអតិថិជនទទួលយកផ្នែកខ្លះនៃសាច់មាន់ដូចជាសាច់ទ្រូង ឬក៏ស្លាបដែលអាចរកបាន ជាជាងបញ្ជាទិញសាច់មាន់ទាំងមូលតែម្ដង។ ។
ទីភ្នាក់ងារព័ត៌មាន Business Times បានរាយការណ៍ដោយស្រង់សម្តីអ្នកនាំពាក្យហាងលក់សាច់មាន់ Aqina Farm គឺលោក Scott Ang ថា សាច់មាន់ដែលមានគុណភាពល្អនឹងនៅតែអនុញ្ញាតឱ្យនាំចេញដដែល ហើយការហាមប្រាមនេះ ប៉ះពាល់ជាចម្បងលើទីផ្សារសាច់មាន់ ដែលមានតម្រូវការខ្ពស់ក្នុងប្រទេសម៉ាឡេស៊ីប៉ុណ្ណោះ៕
អត្ថបទ៖ សុខ ជា
None
