មុននឹងឈានដល់ការត្រួតពិនិត្យឡើងវិញពីបញ្ហាជម្លោះរវាងចិន និង អាមេរិកនេះ អង្គការពាណិជ្ជកម្មពិភពលោក កាលពីឆ្នាំ២០១៩ ធ្លាប់បានដោះស្រាយជម្លោះនៃសង្គ្រាមពាណិជ្ជកម្ម រវាងចិនអាមេរិកម្តងរួចទៅហើយ ដោយបានកំណត់ឲ្យប្រទេសចិន ដាក់ចេញនូវកូតាមួយច្បាស់លាស់សម្រាប់ការនាំចូលស្រូវសាលី និង ពោតពីអាមេរិកទៅចិន ហើយព្រមទាំងកំណត់នូវបរិមាណនាំចូលមួយឲ្យបានច្បាស់លាស់ផងដែរ ក្នុងមួយឆ្នាំៗ។
ប៉ុន្តែជម្លោះនេះនៅតែ មិនអាចដោះស្រាយបានពេញលេញ ដោយហេតុថា ប្រទេសចិន បានកំណត់ការនាំចូលផលិតផលដែលបានរៀបរាប់ខាងលើ នៅក្នុងចំនួនតិចតួចពេក ខុសពីសព្វដង។
ប្រការនេះហើយបានធ្វើឲ្យអាមេរិកមិនសប្បាយចិត្ត និងមិនយល់ព្រមលើការកំណត់របស់ចិនឡើយ ជាហេតុធ្វើឲ្យអាមេរិកសន្យាថា នឹងធ្វើការឆ្លើយតបតាមរយៈការដាក់គំនាបពាណិជ្ជកម្មមកលើចិនវិញ។
ដើម្បីសម្របសម្រួលជម្លោះដែលអូសបន្លាយអស់ពេលជិត៣ឆ្នាំមកនេះ WTO បានសម្រេចសើរើសំណុំរឿងនេះឡើងវិញ ដោយនឹងចាប់ផ្តើមត្រួតពិនិត្យព្រមទាំងដាក់ចេញដំណោះស្រាយថ្មីមួយទៀត នៅក្នុងរយៈពេល៦ខែខាងមុខនេះ។
អត្ថបទគួរអាន
តំណាងសហរដ្ឋអាមេរិកប្រចាំនៅអង្គការពាណិជ្ជកម្មពិភពលោកបានអះអាងថា ខ្លួនរីករាយនឹងធ្វើការជាមួយចិន ដើម្បីដោះស្រាយជម្លោះរវាងគ្នា ខណៈភាគីចិនប្រចាំនៅ WTO មិនបានធ្វើការឆ្លើយតបនៅឡើយទេ។
គួរជម្រាបថា សង្គ្រាមពាណិជ្ជកម្មរវាងចិននិងអាមេរិក នៅតែបន្តអូសបន្លាយនៅឡើយ ទោះអាមេរិកស្ថិតក្នុងអាណត្តិប្រធានាធិបតីថ្មីក៏ដោយ។ ចាប់ផ្តើមឡើងតាំងពីឆ្នាំ ២០១៩ សង្គ្រាមពាណិជ្ជកម្មរវាងចិននិងអាមេរិក បានធ្វើឲ្យយក្សសេដ្ឋកិច្ចទាំងពីរលើពិភពលោក រងផលប៉ះពាល់រៀងៗខ្លួន។ ប៉ុន្តែគេសង្កេតឃើញថា អាមេរិកជាអ្នកខាតបង់ប្រយោជន៍ច្រើនជាងចិនលើការធ្វើពាណិជ្ជកម្ម ខណៈចិនខាងបង់ច្រើនជាងគេលើវិស័យបច្ចេកវិទ្យា៕
យើងនឹងរង់ចាំតាមដានថាតើ WTO អាចនឹងក្លាយខ្លួនជាអ្នកដោះស្រាយជម្លោះរ៉ាំរ៉ៃនេះបានដែរឬយ៉ាងណា។
None
