កសិករចិញ្ចឹមត្រីដែលកំពុងជួបបញ្ហាបច្ចេកទេស និងទីផ្សារដង្ហោយរកការជួយអន្តរាគមន៍
ការចិញ្ចឹមត្រីបានរួមចំណែកយ៉ាងសំខាន់ក្នុងការជួយលើកកម្ពស់ជីវភាពរបស់ប្រជាពលរដ្ឋ និងទ្រទ្រង់សន្តិសុខស្បៀង ហើយវាក៏ជាផ្នែកជួយកាត់បន្ថយបទល្មើសនេ…
ឯកឧត្តម ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានចាត់ទុកសហគមន៍កសិកម្មទំនើបជាជម្រើសដ៏ប្រសើរបំផុត ដែលអាចការពារប្រជាកសិករពីបញ្ហាវិបត្តិស្រូវធ្លាក់ថ្លៃដូចពេលបច្ចុប្បន្ន ក៏ដូចជាអនុញ្ញាតឱ្យរដ្ឋាភិបាលមានលទ្ធភាពជួយស្តារសមត្ថភាពផលិតកម្មឡើងវិញ តាមរយៈការផ្តល់កម្ចីការប្រាក់ទាបដើម្បីទ្រទ្រង់ជាដើមទុន និងការជួយកាត់បន្ថយថ្លៃដើមផងដែរ។ ឯកឧត្តមបានសង្កត់ធ្ងន់ថា ក្រៅពីឯកឧត្តមដែលផ្តោតលើការអភិវឌ្ឍន៍សហគមន៍កសិកម្មទំនើប ក៏មានមន្ត្រីជាន់ខ្ពស់នៃក្រសួងកសិកម្មមួយចំនួនទៀតកំពុងជួយសម្របសម្រួលទីផ្សារ និងស្វែងរកមធ្យោបាយដឹកជញ្ជូនស្រូវជូនកសិករឱ្យទាន់ពេលវេលា ដើម្បីបញ្ចៀសការកកកស្ទះការប្រមូលផលរបស់កសិករនៅតាមទីវាលផងដែរ។
បើតាមការលើកឡើងរបស់មន្ត្រីជាន់ខ្ពស់រូបនេះ ស្របពេលរដូវកាលដាំដុះថ្មីនឹងចូលមកដល់នៅក្នុងរយៈពេលមួយខែទៅពីរខែខាងមុខ ដូច្នេះការរៀបចំសហគមន៍ទំនើបពីឥឡូវអាចប្រឈមនឹងខកខានពេលប្រមូលផល ព្រោះសហគមន៍កសិកម្មទំនើបត្រូវត្រៀមកសិករអ្នកធ្វើ ទីផ្សារអ្នកទិញ ធនាគារអ្នកផ្តល់កម្ចីដើមទុន និងការកក់ធាតុចូលសំខាន់ៗដូចជាពូជ ជី និងថ្នាំទុកជាមុនជាដើម។
អ្នកនាំពាក្យរូបនេះ អះអាងថា កសិករដែលបានចូលរួមក្នុងសហគមន៍កសិកម្មទំនើបក្នុងរដូវកាលនេះ មិនបានជួបបញ្ហាធ្លាក់ថ្លៃដូចអ្នកនៅក្រៅសហគមន៍ឡើយ ដោយស្រូវសែនក្រអូបលក់បានតម្លៃ១,២៥០រៀល ស្រងែស្រាល៩៥០រៀល និងស្រូវអូអឹមលក់បានតម្លៃ១,០០០រៀលក្នុងមួយគីឡូក្រាម ហើយនេះជាមូលហេតុចម្បងដែលក្រុមការងារក្រសួងកសិកម្ម ខិតខំប្រឹងប្រែងរៀបចំសហគមន៍កសិកម្មទំនើបឱ្យបានច្រើន៕
អត្ថបទ៖ ជា ម៉ារ៉ា
