Advertisement
Advertisement
ថៃបញ្ចេញថវិកាជួយ​ពលរដ្ឋ​

ថៃ គ្រោង​បញ្ចេញថវិកាជាង ១,៤ពាន់លានដុល្លារទៀត ជួយដល់ពលរដ្ឋរងគ្រោះព្រោះកូវីដ-១៩


រាជរដ្ឋាភិបាលថៃ បានត្រៀមរៀបចំនូវកញ្ចប់ថវិកាជាង ១,៤ ពាន់លានដុល្លារអាមេរិកបន្ថែមទៀត ដើម្បីចែកជូនទៅដល់ ប្រជាពលរដ្ឋ១៥លាននាក់របស់ខ្លួន ដែលជាសំណើស្នើសុំរបស់ក្រសួងហិរញ្ញវត្ថុនេះ ហើយសំណើនេះកំពុងរង់ចាំការអនុម័តពីគណៈរដ្ឋមន្រ្តីថៃ នៅពាក់កណ្តាលខែកញ្ញានេះ។ នេះបើយោងតាមការចុះផ្សាយ ដោយសារព័ត៌មាន Bangkok Post នៅថ្ងៃនេះ។
បំណុលគ្រួសារប្រជាជនថៃ អាចនឹងកើនឡើងលើស ៨០% នៃ GDP ដោយសារវិបត្តិកូវីដ-១៩ (រូបភាព៖https://www.chiangraitimes.com )
ដោយ
Advertisement

លោក ឡា វ៉ា រុន អគ្គនាយក​នៃការិយាល័យ​គោលនយោបាយ​សារពើពន្ធ បានគូស​បញ្ជាក់ថា នៅក្នុង​វិធានការថ្មី​នេះ រាជរដ្ឋាភិបាលថៃ នឹងប្រគល់ប្រាក់ ៣ពាន់បាត ឬប្រមាណ ៩៥ដុល្លារ ដល់ប្រជាពលរដ្ឋ​គ្រប់រូប សម្រាប់​ប្រើប្រាស់​ទិញទំនិញ។

យ៉ាងណាក៏ដោយ ប្រជាពលរដ្ឋ ចាំបាច់ត្រូវ​ចុះឈ្មោះ​ដាក់ពាក្យ​ស្នើសុំ ហើយទឹក​ប្រាក់នេះ នឹងត្រូវផ្ទេ​តាមរយៈ កម្មវិធី Pao Tang ​តែយ៉ាងណា វិធានការថ្មីនេះ គឺខុសពី​វិធាន​ការ​សង្គ្រោះមុនៗ។

លោក ឡា វ៉ា រុន បន្តថា ចំណុច​សំខាន់​ដែលខុសគ្នា គឺ រាជរដ្ឋាភិបាលថៃ ផ្តល់ប្រាក់តាម​កម្មវិធី Pao Tang ​ហើយកំណត់​ចំនួនប្រាក់ ដែលអាចចាយ​បាន​ប្រចាំថ្ងៃ មិនលើសពី ១០០បាត ទៅ ២០០​បាតនោះទេ តែចំណុចនេះ គឺស្ថិតនៅ​ក្រោម​ការជជែក​ពិភាក្សា​នៅឡើយទេ។

ទោះយ៉ាងណា​ក៏ដោយ បើសិនជាគ្មាន​ការចំណាយ​នៅក្នុង​ថ្ងៃធម្មតា​នោះទេ ប្រាក់នោះ នឹងអាច​បូកបញ្ចូល សម្រាប់ចំណាយ​នៅថ្ងៃ​បន្ទាប់បាន។

វិធានការនេះ រំពឹងនឹង​អាចបង្កើត​លំហូរ​សាច់ប្រាក់​បានជិត ៣ពាន់​លាន​ដុល្លារ​អាមេរិក ដែលស្មើនឹង ០,២៨% នៃកំណើន ​GDP របស់ថៃ ហើយក៏មាន​គោលដៅ​កាត់បន្ថយបន្ទុក​ចំណាយរស់​នៅប្រចាំថ្ងៃ​របស់ ប្រជាពលរដ្ឋ​ និងជំរុញ​ការប្រើប្រាស់​របស់ឯកជន ដែលអាច​គាំទ្រដល់ សហគ្រាសធុនតូច​ និងមធ្យម​បន្ថែមទៀត។

គួរជម្រាបដែរថា នៅក្នុងគម្រោងនេះ រដ្ឋថៃ​ជួយឧបត្ថម្ភ​ដល់ការចំណាយ​ប្រមាណ ៥០% នៃការចំណាយ​សរុប ខណៈប្រជាពលរដ្ឋថៃ ត្រូវចំណាយ ៥០% ទៀត​ដោយខ្លួនឯង៕

Advertisement
© 2020 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


៣០០លានដុល្លារ កម្ពុជារកបានពីការនាំចេញអង្ករ នៅ៨ខែឆ្នាំនេះ

ព័ត៌មាន
កម្ពុជារកចំណូលពីការនាំចេញអង្ករលក់នៅក្រៅប្រទេសបានប្រមាណ ៣០០លានដុល្លារអាមេរិក នៅក្នុងរយៈពេល ៨ខែ ដំបូងនៅឆ្នាំ២០២០នេះ កម្ពុជាខណៈដែលបរិម...

អ្នកនាង Jun Ji-hyun តារាស្រីដ៏ល្បីប្រចាំកូរ៉េខាងត្បូង ក្រៅពីអាជីពសម្ដែង នាងក៏ជាសេដ្ឋីនីអចលនទ្រព្យមួយរូបផងដែរ

ព័ត៌មាន
តារាភាពយន្ដស្រីដ៏ល្បីឈ្មោះរបស់កូរ៉េខាងត្បូង អ្នកនាង Jun Li-hyun ដែលគេស្គាល់ថាជាតួឯកស្រីក្នុងរឿងដ៏ល្បី The Legend of th Blue Sea ត្រូវ...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ