អ្នកបំបែកខ្លួន
អ្នកបំបែកខ្លួន កំពុងសាបព្រោះភាពភ័យខ្លាចនៅក្នុងខេត្តទេសចរណ៍សំខាន់ៗ៣របស់ថៃ
ប្រភពសន្តិសុខនៅភាគខាងត្បូងប្រទេសថៃបាននិយាយថា ការរកឃើញគ្រាប់បែកថ្មីៗនេះនៅក្នុងខេត្តទេសចរណ៍ចំនួន៣រួមមានខេត្តភូកេត ផាងហ្កា និងក្រាប៊ី គឺជា…
នៅពីរថ្ងៃក្រោយក្រុមកងកម្លាំងរបស់ថៃបានបើកការវាយប្រហារលើពលរដ្ឋស៊ីវិលកម្ពុជាបណ្តាលឱ្យស្លាប់ម្នាក់ និងរបួស៣នាក់នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ កាលពីថ្ងៃទី១២ ខែវិច្ឆិកា ឆ្នាំ២០២៥ ឯកអគ្គរាជទូតថៃប្រចាំអង្គការសហប្រជាជាតិលោក ឆឺតឆៃ ឆៃវៃ បានផ្ញើលិខិតមួយច្បាប់ទៅកាន់ក្រុមប្រឹក្សាសន្តិសុខអង្គការសហប្រជាជាតិដោយព្យាយាមបកស្រាយ និងចោទកម្ពុជាថាជាអ្នកបង្កអរិយភាពទាំងឥតអៀនខ្មាស់ ដើម្បីបង្វែអំពើដ៏ព្រៃផ្សៃរបស់ខ្លួន។
នៅក្នុងលិខិតនោះអ្នកការទូតថៃរូបនេះបានព្យាយាមបកស្រាយ និងពន្យល់ប្រាប់លោក ម៉ាយឃើល អ៊ីរ៉ាន់ កានូ (Michael Imran Kanu) ប្រធានក្រុមប្រឹក្សាសន្តិសុខអង្គការសហប្រជាជាតិថា ខ្លួនបានខិតខំអនុវត្តតាមដំណោះស្រាយដោយសន្តិវិធីចំពោះភាពតានតឹងនៅតាមព្រំដែនជាមួយនឹងកម្ពុជា ដែលវាផ្ទុយស្រឡះពីទង្វើដែលពួកគេបានធ្វើមកលើកម្ពុជា។
លើសពីនេះលោក ឆឺតឆៃ បានខិតខំនិយាយដោះសារដោយបង្ហាញពីប្តេជ្ញាចិត្តអនុតាមកិច្ចព្រមព្រៀងសន្តិភាពដែលខ្លួនបានប្រកាសទាត់ចោល និងការគោរពច្បាប់អន្តរជាតិយ៉ាងពេញលេញ រួមទាំងធម្មនុញ្ញអង្គការសហប្រជាជាតិ ហើយបានលើកយករឿងទាហានខ្លួនជាន់មីនចាស់នៅព្រំដែន ដោយចោទកម្ពុជាថាជាអ្នកដាក់ទៀតផង។
ដោយឡែកពាក់ព័ន្ធករណីទាហានថៃបើកការបាញ់ប្រហារពលរដ្ឋកម្ពុជាឲ្យរបួស និងស្លាប់កាលពីថ្ងៃទី១២ ខែវិច្ឆិកា អ្នកការទូតថៃរូបនេះបែរជាចោទថា កងកម្លាំងកម្ពុជាជាអ្នកបាញ់ប្រហារលើកងទ័ពថៃមុន ហើយកងទ័ពខ្លួនបាញ់ការពារខ្លួនទៅវិញ។ អ្នកការទូតថៃរូបនេះ បន្តប្រឹងលាងខ្លួនហើយចោទកម្ពុជា ដែលជាប្រទេសតូច មានសេដ្ឋកិច្ចទន់ខ្សោយ និងប្រជាជនតិចថា ជាអ្នកបង្កអរិភាពឥតឈប់ឈរលើអធិបតេយ្យភាពរបស់ខ្លួនទៅវិញ តែនៅពេលកម្ពុជាបបួលឡើងទៅតុលាការយុត្តិធម៌អន្តរជាតិបែរជាមិនព្រមទៅ៕
ដោយៈ សរ សុជាតិ
