លោក ដូណាល់ ត្រាំ ប្រកាសអនុវត្តវិធានការពន្ធដោយគ្មានការយោគយល់ ខណៈប្រទេសនានាត្រៀមដាក់ចេញវិធានការតប
ប្រធានាធិបតីសហរដ្ឋអាម៉េរិកលោក ដូណាល់ ត្រាំ បានប្រកាសអនុវត្តវិធានការពន្ធលើទំនិញនាំចូលពីប្រទេសម៉ិកស៊ិក កាណាដា និងចិនដោយគ្មានការលើកលែងស…
ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ចបានគូសបញ្ជាក់ថា ការផ្គូរផ្គងធុរកិច្ចតាមរយៈយន្តការបរធនបាលកិច្ច ជាការផ្ដួចផ្ដើមមួយក្នុងការចូលរួមជួយជំរុញការអភិវឌ្ឍវិស័យអចលនទ្រព្យនៅកម្ពុជា។ បើតាមថ្នាក់ដឹកនាំរូបនេះ នាពេលកន្លងមកប្រតិបត្តិការរបស់បរធនបាលកិច្ចបានគ្របដណ្ដប់ភាគច្រើនលើវិស័យអចលនទ្រព្យ ដែលមានទំហំសរុបជាង៧៦០លានដុល្លារជាមួយបរធនបាលកិច្ច៧៨៤គណនី ដែលបានបង្កើត និងចុះបញ្ជី។ បរធនបាលកិច្ចអចលនទ្រព្យភាគច្រើនត្រូវបានបង្កើតឡើងដោយវិនិយោគិនបរទេស ដែលនេះសបញ្ជាក់ឱ្យឃើញថា ទោះបីស្ថានភាពអចលនទ្រព្យនៅកម្ពុជាបានថមថយបន្តិចក៏ពិតមែន ប៉ុន្តែតម្រូវការនៃការវិនិយោគនៅតែកើតមាន។
ជាមួយគ្នានេះ លោក សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានគូសបញ្ជាក់ថា ការផ្គូរផ្គងការវិនិយោគលើវិស័យអចលនទ្រព្យតាមរយៈយន្តការបរធនបាលកិច្ចជាកម្មវិធីមួយដែលនឹងជួយបើកផ្លូវបន្ថែមទៀតដល់ការវិនិយោគលើអចលនទ្រព្យ ដោយមាននិយ័តករបរធនបាលកិច្ច ជាអ្នកជួយជំរុញ និងផ្ដល់ទំនុកចិត្តដល់អ្នកវិនិយោគបរទេស ខណៈពួកគេមានទំនុកចិត្តមកលើបរធនបាលកិច្ច ព្រោះតាមច្បាប់មិនអនុញ្ញាតឱ្យជនបរទេសទិញអចលនទ្រព្យដាក់ឈ្មោះខ្លួនបានទេ ប៉ុន្តែពួកគេអាចរកអ្នកឈរឈ្មោះជំនួសបានតាមរយៈបរធនបាលកិច្ច។
បើតាមឯកឧត្តម សុខ ដារ៉ា ការផ្គូរផ្គងធុរកិច្ចនេះ ក៏មានដាក់ចេញកម្មវិធីមួយ ដើម្បីបង្កភាពងាយស្រួល និងមានប្រសិទ្ធភាពដែលអាចអនុញ្ញាតដល់វិនិយោគិន ដែលមានតម្រូវការក្នុងការទទួលបានព័ត៌មានច្បាស់លាស់ និងប្រើប្រាស់យន្តការបរធនបាលកិច្ចលើការវិនិយោគក្នុងទីផ្សារវិស័យអចលនទ្រព្យដើម្បីទាញយកផលប្រយោជន៍ជាក់ស្ដែងផងដែរ៕
អត្ថបទ៖ បូ ដូឡា , រូបភាព ប៉ុក វន្ថា
