វិស័យពាណិជ្ជកម្ម

សង្គ្រាមពន្ធគយដែលបញ្ឆេះឡើងដោយលោក ត្រាំ អាចធ្វើឱ្យសេដ្ឋកិច្ចពិភពលោកខាតបង់រហូតដល់១,៤ ទ្រីលានដុល្លារ ហើយអាម៉េរិកខ្លួនឯងនឹងខាតធ្ងន់កជាងគេ


អង្គការពាណិជ្ជកម្មក្រៅប្រទេសជប៉ុន (JETRO) បានប៉ាន់ប្រមាណថា បើសិនជាការដំឡើងពន្ធដាក់គ្នាទៅវិញទៅមកត្រូវបានអនុវត្តនៅទូទាំងពិភពលោក នោះវានឹងធ្វើឱ្យសេដ្ឋកិច្ចពិភពលោកអាចនឹងរងការខាតបង់រហូតដល់ទៅ ៧៦៣ពាន់លានដុល្លារអាម៉េរិក។
វិស័យពាណិជ្ជកម្ម
ដោយ

ប៉ុន្តែអ្វីដែលលើសពីនេះទៅទៀតនោះ គឺក្រុមសេដ្ឋវិទូមកពីសកលវិទ្យាល័យអាស្តុន (Aston University) នៃចក្រភពអង់គ្លេស បានប៉ាន់ប្រមាណថា សេដ្ឋកិច្ចពិភពលោកអាចនឹងរងការខាតបង់រហូតដល់ទៅ១,៤ទ្រីលានដុល្លារឯណោះ ហើយសហរដ្ឋអាម៉េរិកខ្លួនឯងជាអ្នកខាតធ្ងន់ជាងគេបំផុតដោយសារតែទំនិញនាំចូលទៅក្នុងប្រទេសមហាអំណាចទី១ លើពិភពលោកនេះហក់ឡើងថ្លៃជាងមុន។ នេះបើយោងតាមការចុះផ្សាយរបស់សារព័ត៌មានធំៗជាច្រើន​។

លោក ដូណាល់ ត្រាំ ប្រធានាធិបតីសហរដ្ឋអាម៉េរិក បានបញ្ជាក់កាលពីចុងសប្តាហ៍មុនថា ការដំឡើងពន្ធគយរបស់សហរដ្ឋអាម៉េរិក​នឹងធ្វើឡើងទៅលើគ្រប់ប្រទេសទាំងអស់នៅលើពិភពលោក។ ហើយនៅមុនពេលប្រកាសពន្ធគយនេះជាផ្លូវការ រដ្ឋមន្ត្រីក្រសួងពាណិជ្ជកម្មអាម៉េរិក លោក ហូវើដ ឡាត់និក (Howard Lutnick) នឹងប្រាប់ពីមូលហេតុដែលនាំឱ្យសហរដ្ឋអាម៉េរិក មានឱនភាពពាណិជ្ជកម្ម ដែលលោក ដូណាល់ ត្រាំ បានបញ្ជាឱ្យដោះស្រាយក្នុងថ្ងៃដំបូងនៃការឡើងកាន់អំណាចរបស់លោក។

សូមបញ្ជាក់ថា ការដំឡើងពន្ធរបស់លោក ដូណាល់ ត្រាំ ចំនួន២៥% លើរថយន្ត និងគ្រឿងបន្លាស់រថយន្តគ្រោងនឹងចូលជាធរមាននៅថ្ងៃទី៣ ខែមេសា ឆ្នាំ២០២៥ នេះ។

អង្គការពាណិជ្ជកម្មក្រៅប្រទេសជប៉ុន (JETRO) បានប៉ាន់ប្រមាណថា សង្គ្រាមពន្ធគយសងសឹកគ្នាទៅវិញទៅមកនៅទូទាំងពិភពលោកនេះ នឹងធ្វើឱ្យផលិតផលក្នុងស្រុកសរុប (GDP) របស់ពិភពលោកទាំងមូលធ្លាក់ចុះក្នុងរង្វង់ ០,៦% នៅត្រឹមឆ្នាំ២០២៧។ អង្គការដដែលនេះ បានបញ្ជាក់ថា តួលេខ០,៦%នេះ ស្មើនឹងទំហំទឹកប្រាក់ ៧៦៣ពាន់លានដុល្លារអាម៉េរិក ហើយបើយោងតាមការព្យាកររបស់ស្ថាប័នមូលនិធិរូបិយវត្ថុអន្តរជាតិ IMF ទំហំសេដ្ឋកិច្ចពិភពលោកនឹងឈានដល់ ១២៧ទ្រីលានដុល្លារអាម៉េរិក នៅត្រឹមឆ្នាំ២០២៧។

សហរដ្ឋអាម៉េរិកខ្លួនឯងនឹងទទួលរងការខាតបង់ធ្ងន់ធ្ងរជាងគេ ដោយអង្គការពាណិជ្ជកម្មក្រៅប្រទេសជប៉ុន (JETRO) បានប៉ាន់ប្រមាណថា ផលិតផលក្នុងស្រុកសរុបរបស់សហរដ្ឋអាម៉េរិកនឹងធ្លាក់ចុះ២,៧% នៅត្រឹមឆ្នាំនោះ ២០២៧ ហើយថា តម្លៃទំនិញនាំចូល ដែលហក់ឡើងខ្ពស់ជាងមុន នឹងធ្វើឱ្យប្រាក់ចំណេញរបស់បណ្ដាក្រុមហ៊ុនអាម៉េរិក ដែលពឹងលើគ្រឿងបន្លាស់របស់ប្រទេសចិន ដាំក្បាល ចុះខ្លាំង។

ទោះជាយ៉ាងណា ក្រុមសេដ្ឋវិទូមកពីសកលវិទ្យាល័យអាស្តុន (Aston University) នៃចក្រភពអង់គ្លេស បានប៉ាន់ប្រមាណថា សេដ្ឋកិច្ចពិភពលោកអាចនឹងរងការខាតបង់ធ្ងន់ធ្ងររហូតដល់ទៅ១,៤ទ្រីលានដុល្លារ ឯណោះ៕

ដោយ: តែម សុខុម




អត្ថបទបន្ទាប់


ការវាយតម្លៃបឋមបានប៉ាន់ប្រមាណថា គ្រោះរញ្ជួយដីធ្វើឱ្យថៃ ខាតបង់សេដ្ឋកិច្ចជាង៨០០លានដុល្លារ

មកទល់ពេលនេះមិនទាន់មានការវាយតម្លៃផ្លូវការណាមួយលើទំហំនៃផលប៉ះពាល់មកលើសេដ្ឋកិច្ច ដែលបង្កឡើងដោយគ្រោះរញ្ជួយដីកម្រិត៧,៧រ៉ិចទ័រ នៅប្រទេសមីយ៉ា…

ចិន និងអឺរ៉ុប កំពុងរៀបជើងព្រួល ដើម្បីត្រៀមវាយបកនឹងវិធានការដំឡើងពន្ធគយរបស់លោក ត្រាំ

ដើម្បីត្រៀមឆ្លើយតបនឹងវិធានការដំឡើងពន្ធគយទ្វេភាគីរបស់លោក ដូណាល់ ត្រាំ ប្រធានាធិបតីសហរដ្ឋអាម៉េរិក ដែលនឹងប្រកាសនៅថ្ងៃទី៣ ខែមេសា នេះ មេដឹក…
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ