ប្រាក់ដុល្លារហក់ឡើងថ្លៃជាលើកដំបូងក្នុងឆ្នាំ២០២៥ ក្រោយធនាគារកណ្ដាលអាម៉េរិក សម្រេចរក្សាអត្រាការប្រាក់ឱ្យនៅដដែល
ប្រាក់ដុល្លារអាម៉េរិក ដែលជារូបិយប័ណ្ណអន្តរជាតិបម្រុងដ៏ធំបំផុតរបស់ពិភពលោកបានហក់ឡើងថ្លៃប្រចាំខែ ជាលើកដំបូងមិនធ្លាប់មានក្នុងឆ្នាំ២០២៥ នេះ…
បើយោងតាមរបាយការណ៍របស់សេតវិមាន ដែលចេញផ្សាយនៅថ្ងៃទី៣១ ខែកក្កដា ឆ្នាំ២០២៥ មកទល់ពេលនេះមានប្រទេសចំនួន៦៩ ដែលសម្រេចបានកិច្ចព្រមព្រៀងពាណិជ្ជកម្មជាមួយសហរដ្ឋអាម៉េរិក ដោយប្រទេសទាំងនេះរងសម្ពាធពន្ធចន្លោះពី១០%ទៅ៤១% ខណៈប្រទេសដែលមិនទាន់មានកិច្ចព្រមព្រៀង ត្រូវរងគំនាបពន្ធក្នុងអត្រាដែលអាម៉េរិកបានប្រកាសកាលពីថ្ងៃទី២ ខែមេសា កន្លងទៅ។
ប្រធានាធិបតីអាម៉េរិកលោក ដូណាល់ ត្រាំ បានចុះហត្ថលេខាលើបទបញ្ជាប្រតិបត្តិនៃការកំណត់ពន្ធបដិការថ្មីនេះរួចហើយ ដែលនឹងចូលជាធរមានចាប់ពីថ្ងៃទី៧ ខែសីហា ខាងមុខនេះ។ ជាមួយគ្នានេះកម្ពុជាស្ថិតក្នុងចំណោមប្រទេស៥ផ្សេងទៀតដូចជាឥណ្ឌូនេស៊ី ម៉ាឡេស៊ី ហ្វីលីពីន ថៃ និងប៉ាគីស្ថានដែលរងអត្រាពន្ធគយ១៩%ដូចគ្នា។ ចំណែកប្រទេសនៅក្នុងតំបន់អាស៊ានផ្សេងដូចជាវៀតណាមរងពន្ធ២០% ប្រ៊ុយណេ២៥% ខណៈឡាវ និងមីយ៉ាន់ម៉ារងសម្ពាធពន្ធ៤០%ដូចគ្នា។
លោក ត្រាំ បានចាត់ទុកការសម្រេចបានកិច្ចព្រមព្រៀងពាណិជ្ជកម្មជាបណ្តាប្រទេសខាងលើបានបង្ហាញពីភាពស្មោះត្រង់របស់បណ្តាប្រទេសទាំងនោះក្នុងការចូលរួមដោះស្រាយរបាំងពាណិជ្ជកម្មជាមួយសហរដ្ឋអាម៉េរិក បញ្ហាសេដ្ឋកិច្ច និងសន្តិសុខ។ ជាមួយគ្នានេះ លោក ត្រាំ ព្រមានចាត់វិធានការបន្ថែមទៀតប្រឆាំងនឹងដៃគូពាណិជ្ជកម្ម ដែលមិនស្មោះត្រង់៕
ដោយៈ សរ សុជាតិ
