ថៃអះអាងថា ការកាត់ផ្តាច់ចរន្តអគ្គិសនីមកកម្ពុជាមិនមែនជារឿងនយោបាយនោះទេ
អ្នកនាំពាក្យក្រសួងការបរទេសថៃបានចេញមកបដិសេធថា ការកាត់ផ្តាច់ចរន្តអគ្គិសនី និងអ៊ីនធឺណិតនៅតាមបណ្តោយព្រំដែនកម្ពុជា-ថៃ មិនពាក់ព័ន្ធរឿងនយោបាយ…
រដ្ឋមន្ត្រីក្រសួងរតនាគារសហរដ្ឋអាម៉េរិក លោក ស្កុត បេសសេន បានបង្ហាញពីចេតនាក្នុងការបន្តអនុគ្រោះការពន្យាពេលអនុវត្តពន្ធបដិកាលើសពីថ្ងៃទី៩ ខែកក្កដា សម្រាប់ដៃគូពាណិជ្ជកម្មចំនួន១៨ រួមទាំងកម្ពុជា ដែលបាន និងកំពុងខិតខំចរចាដោយស្មោះត្រង់ជាមួយសហរដ្ឋអាម៉េរិក។ នៅក្នុងអំឡុងធ្វើសវនាការងារជាមួយគណៈកម្មការជំនាញមួយរបស់សភាអាម៉េរិក កាលពីថ្ងៃទី១១ ខែមិថុនា រដ្ឋមន្ត្រីរូបនេះ បានប្រាប់សមាជិកសភាថា សហរដ្ឋអាម៉េរិក កំពុងចរចាជាមួយប្រទេសដៃគូពាណិជ្ជកម្មសំខាន់ៗចំនួន១៨ ដើម្បីឈានទៅសម្រេចបាននូវកិច្ចព្រមព្រៀងមួយជាមួយប្រទេសទាំងនេះនាពេលខាងមុខ។
ពាក់ព័ន្ធពន្ធបដិការរបស់អាម៉េរិក ដែលបានពន្យាពេលអនុវត្ត៩០ថ្ងៃ ដែលគ្រោងចូលជាធរមាននៅថ្ងៃទី៩ ខែកក្កដា លោក បេសសេន បានលើកឡើងថា រដ្ឋបាលអាម៉េរិក អាចនឹងមានការផ្លាស់ប្តូរពេលវេលា ដែលគ្រោងនឹងកំណត់នៅពេលឱសានវាទកាន់តែខិតជិតចូលមកដល់។ មកទល់ពេលនេះសង្រ្គាមពាណិជ្ជកម្មរវាងសហរដ្ឋអាម៉េរិក និងចិន ហាក់មានភាពធូរស្រាល ក្រោយក្រុមមន្រ្តីជំនាញរបស់មហាអំណាចទាំងពីរជួបពិភាក្សាគ្នាពីរជុំកន្លងមក៕
ដោយៈ សរ សុជាតិ
