ការបណ្តេញចេញមន្ត្រីជាន់ខ្ពស់ពីររូបចេញពីគណបក្សកុម្មុយនិស្ដវៀតណាមនេះ ធ្វើឡើងនៅពេលដែលប្រទេសក្បែរខាងកម្ពុជាមួយនេះ បង្កើនយុទ្ធនាការប្រឆាំងបោសសម្អាតអំពើពុករលួយ បន្ទាប់ពីមានរឿងអាស្រូវពាក់ព័ន្ធនឹងក្រុមហ៊ុនផលិតឧបករណ៍ធ្វើតេស្តមេរោគកូវីដ១៩ (Viet A) របស់វៀតណាមដែលក្នុងនោះមន្ត្រី ដែលផ្គត់ផ្គង់ឧបករណ៍ធ្វើតេស្ត COVID-១៩ ទៅដល់មន្ទីរពេទ្យ គឺបានដំឡើងតម្លៃថ្លៃហួសប្រមាណ។
ប្រព័ន្ធផ្សព្វផ្សាយរដ្ឋវៀតណាមបានរាយការណ៍ថា រដ្ឋមន្ត្រីក្រសួងសុខាភិបាលលោក ង្វៀន ថាញឡុង(Nguyen Thanh Long) និងអភិបាលទីក្រុងហាណូយលោក ឈូ ងុកអាញ (Chu Ngoc Anh) ប្រឈមមុខនឹងការចោទប្រកាន់ថា បានប្រព្រឹត្តកំហុសទាក់ទងនឹងរឿងអាស្រូវរបស់ក្រុមហ៊ុនផលិតឧបករណ៍ធ្វើតេស្តមេរោគកូវីដ ១៩ (Viet A Technologies)។ លោក ឈូ ងុកអាញ គឺជាអតីតរដ្ឋមន្ត្រីក្រសួងវិទ្យាសាស្ត្រ និងបច្ចេកវិទ្យារបស់វៀតណាមផងដែរ មុនលោកធ្វើកាន់តំណែងអភិបាលក្រុងហាណូយ។
អត្ថបទគួរអាន
ជាមួយគ្នានេះដែរ គណៈកម្មាធិការមជ្ឈិមបក្សកុម្មុយនិស្តវៀតណាមបាននិយាយនៅក្នុងសេចក្តីថ្លែងការណ៍មួយដែលបានចេញផ្សាយនៅលើគេហទំព័រផ្លូវការរបស់ខ្លួនថា "គណៈកម្មាធិការមជ្ឈិមបក្សបានសម្រេចចិត្តបណ្តេញ លោក ង្វៀន ថាញឡុង និងលោក ឈូ ងុកអាញ ចេញពីបក្សទាក់ទងនឹងការប្រព្រឹត្តអំពើពុករលួយ"។ ហើយ បុគ្គលទាំងពីរនាក់នេះ ក៏អាចប្រឈមនឹងការចោទប្រកាន់ពីទោសព្រហ្មទណ្ឌផងដែរ។
មួយវិញទៀត គោលនយោបាយក្នុងការប្រឆាំងអំពើពុករលួយនាពេលថ្មីៗនេះរបស់ទីក្រុងហាណូយ ក៏មានស៊ើបអង្កេតពាក់ព័ន្ធនឹងលោក ផាន កុកវៀត (Phan Quoc Viet) ដែលជាអគ្គនាយកក្រុមហ៊ុនផលិតឧបករណ៍ធ្វើតេស្តមេរោគកូវីដ ១៩ (Viet A) ថែមទៀតផង។
លោក ផាន កុកវៀត ប្រឈមមុខនឹងការចោទប្រកាន់ពីបទសូកប៉ាន់មន្ត្រីសុខាភិបាលឱ្យលក់ឧបករណ៍របស់ក្រុមហ៊ុនទៅមន្ទីរពេទ្យ និងមណ្ឌលគ្រប់គ្រងជំងឺខេត្ត (CDC) ក្នុងតម្លៃខ្ពស់ជាងតម្លៃផលិតកម្មច្រើនហួសប្រមាណ ដោយទទួលបានប្រាក់ចំនួន ១៧២ លានដុល្លារអាមេរិក ហើយលោកក៏ត្រូវបានចោទប្រកាន់ពីបទស៊ីសំណូកប្រាក់ ៣៤ លានដុល្លារអាមេរិកផងដែរ។
លើសពីនេះទៅទៀត មន្ត្រីបម្រើការនៅមជ្ឈមណ្ឌលការពារជំងឺឆ្លងនៅតាមបណ្ដាខេត្តមួយចំនួនផ្សេងទៀត ក៏ត្រូវបានចាប់ខ្លួនក្នុងរយៈពេលប៉ុន្មានខែថ្មីៗនេះដែរ ជុំវិញការចោទប្រកាន់ថា ពួកគេជាប់ពាក់ព័ន្ធនឹងការយល់ព្រមក្នុងការផលិត និងប្រើប្រាស់ឧបករណ៍ធ្វើតេស្តរកមេរោគ Viet A នេះផងដែរ៕
ជាមួយគ្នានេះដែរ គណៈកម្មាធិការមជ្ឈិមបក្សកុម្មុយនិស្តវៀតណាមបាននិយាយនៅក្នុងសេចក្តីថ្លែងការណ៍មួយដែលបានចេញផ្សាយនៅលើគេហទំព័រផ្លូវការរបស់ខ្លួនថា "គណៈកម្មាធិការមជ្ឈិមបក្សបានសម្រេចចិត្តបណ្តេញ លោក ង្វៀន ថាញឡុង និងលោក ឈូ ងុកអាញ ចេញពីបក្សទាក់ទងនឹងការប្រព្រឹត្តអំពើពុករលួយ"។ ហើយ បុគ្គលទាំងពីរនាក់នេះ ក៏អាចប្រឈមនឹងការចោទប្រកាន់ពីទោសព្រហ្មទណ្ឌផងដែរ។
មួយវិញទៀត គោលនយោបាយក្នុងការប្រឆាំងអំពើពុករលួយនាពេលថ្មីៗនេះរបស់ទីក្រុងហាណូយ ក៏មានស៊ើបអង្កេតពាក់ព័ន្ធនឹងលោក ផាន កុកវៀត (Phan Quoc Viet) ដែលជាអគ្គនាយកក្រុមហ៊ុនផលិតឧបករណ៍ធ្វើតេស្តមេរោគកូវីដ ១៩ (Viet A) ថែមទៀតផង។
លោក ផាន កុកវៀត ប្រឈមមុខនឹងការចោទប្រកាន់ពីបទសូកប៉ាន់មន្ត្រីសុខាភិបាលឱ្យលក់ឧបករណ៍របស់ក្រុមហ៊ុនទៅមន្ទីរពេទ្យ និងមណ្ឌលគ្រប់គ្រងជំងឺខេត្ត (CDC) ក្នុងតម្លៃខ្ពស់ជាងតម្លៃផលិតកម្មច្រើនហួសប្រមាណ ដោយទទួលបានប្រាក់ចំនួន ១៧២ លានដុល្លារអាមេរិក ហើយលោកក៏ត្រូវបានចោទប្រកាន់ពីបទស៊ីសំណូកប្រាក់ ៣៤ លានដុល្លារអាមេរិកផងដែរ។
លើសពីនេះទៅទៀត មន្ត្រីបម្រើការនៅមជ្ឈមណ្ឌលការពារជំងឺឆ្លងនៅតាមបណ្ដាខេត្តមួយចំនួនផ្សេងទៀត ក៏ត្រូវបានចាប់ខ្លួនក្នុងរយៈពេលប៉ុន្មានខែថ្មីៗនេះដែរ ជុំវិញការចោទប្រកាន់ថា ពួកគេជាប់ពាក់ព័ន្ធនឹងការយល់ព្រមក្នុងការផលិត និងប្រើប្រាស់ឧបករណ៍ធ្វើតេស្តរកមេរោគ Viet A នេះផងដែរ៕
អត្ថបទ៖ ហ៊ុន គន្ធថៃ
None
