Samsung ផ្អាកផលិតកម្មបន្ទះឈីបរបស់ខ្លួននៅអាមេរិក
ធាតុអាកាសចុះត្រជាក់ខ្លាំងនៅរដ្ឋ តិចសាស់សហរដ្ឋអាមេរិក ក្នុងមួយរយៈពេលកន្លងមកនេះ បានចោទជាបញ្ហាយ៉ាងខ្លាំង ស្ទើរគ្រប់វិស័…
ចំនួនអ្នកដែលបានប៉ុនប៉ងឆ្លងព្រំដែនពីអាមេរិកកណ្ដាល និងប្រទេសម៉ិស៊ិចកូ មានការកើនឡើងជាលំដាប់ចាប់តាំងពីខែមេសាឆ្នាំ២០២០មក ហើយភាគច្រើនគឺជាមនុស្សពេញវ័យ និងជាគ្រួសារ ត្រូវបានអាជ្ញាធរអាមេរិកចាប់បញ្ជូនត្រឡប់ទៅវិញជាហូរហែរផងដែរ។
តើហេតុអ្វីបានជាជនចំណាកស្រុកទាំងនោះព្យាយាមចូលអាមេរិកទាំងខុសច្បាប់យ៉ាងដូច្នេះ?
ចម្លើយ គឺមិនពិបាកយល់ទេ ដោយសារភាពក្រីក្រ អំពើហិង្សា និងអំពើពុករលួយនៅប្រទេសម៉ិកស៊ិចកូ និងប្រទេសនៅអាមេរិកកណ្ដាលដូចជា ហុងឌូរ៉ាស និងយូហ្គូស្លាវី ជាដើម បានធ្វើឲ្យមនុស្សជាច្រើនស្វែងរកជីវិតរស់ប្រសើរជាងមុន ដោយពួកគេប៉ុនប៉ងឆ្លងដែនចូលមកសហរដ្ឋអាមេរិកជាបន្ដបន្ទាប់នៅប៉ុន្មានឆ្នាំមកនេះ ហើយអ្វីដែលចាប់អារម្មណ៍នោះ គឺក្រោយពេលលោកត្រាំអស់តំណែងប្រធានាធិបតីទៅ ជនចំណាកស្រុកបាននាំគ្នាសម្រុកឆ្លងដែនមកអាមេរិកកាន់តែច្រើន។
សូមបញ្ជាក់ថា ភ្នាក់ងារព្រំដែនអាមេរិក បានឃាត់ខ្លួនមនុស្សបានជាង១០ម៉ឺននាក់ នៅព្រំដែនជាមួយនឹងប្រទេសម៉ិកស៊ិចកូ នៅក្នុងខែកុម្ភៈ ហើយវាគឺជាចំនួនមួយខ្ពស់បំផុត តាំងពីមានវិបត្តិព្រំដែនកាលពីឆ្នាំ២០១៩មក។
មនុស្សពេញវ័យភាគច្រើនត្រូវបានចាប់បញ្ជូនត្រឡប់ទៅវិញ ប៉ុន្ដែសម្រាប់ក្មេងៗដែលធ្វើដំណើរមកតែឯង គ្មានអាណាព្យាបាល មិនត្រូវបានបញ្ជូនត្រឡប់ទៅវិញនោះទេ។ រដ្ឋាភិបាលអាមេរិកកំពុងចូលរួមដំណើរការបង្កើតមជ្ឈមណ្ឌលដើម្បីបញ្ជូនកុមារទាំងនោះ ក្នុងគោលបំណងស្វែងរកជម្រកបន្ថែមសម្រាប់ពួកគេ។
បញ្ហានេះ ក៏កំពុងធ្វើឲ្យរដ្ឋបាលលោកចូបៃឌិន ឈឺក្បាលខ្លាំងដែរខណៈដែលការហូរចូលនៃជនចំណាកស្រុកទាំងនេះ មានជារៀងរាល់ថ្ងៃ ពិសេសគឺយុវជនដែលមានវ័យក្រោម១៨ឆ្នាំ៕
None
