![វិស័យអាកាសចរណ៍](https://cdn.cambonomist.com/media/images/vtnm_22222_JuF1HSR.2e16d0ba.fill-960x540.jpg)
ទិន្នន័យផ្លូវការបង្ហាញថា គ្រាន់តែទីផ្សារក្នុងស្រុកបណ្ដាក្រុមហ៊ុនអាកាសចរណ៍វៀតណាម ដឹកជញ្ជូនអ្នកដំណើរក្នុងស្រុកបានជាង១៧លាននាក់ ក្នុងរយៈពេល៦ខែមកនេះ ឬស្មើនឹង៨២% បើធៀបនឹងរយៈពេលដូចគ្នាកាលពីឆ្នាំមុន។ ដោយសារផ្លូវយន្តហោះជួបការលំបាក ក្រុមហ៊ុនអាកាសចរណ៍នានាបានកែសម្រួល និងកាត់បន្ថយការផ្គត់ផ្គង់លើផ្លូវហោះហើរក្នុងស្រុក ដែលជាហេតុធ្វើឱ្យទីផ្សារក្នុងស្រុកធ្លាក់ចុះ បើធៀបនឹងរយៈពេលដូចគ្នាកាលពីឆ្នាំមុន និងឆ្នាំ២០១៩។
Vietnam Airlines និង Vietjet Air បានក្លាយជាក្រុមហ៊ុនអាកាសចរណ៍ដែលបានក្ដោបក្ដាប់ចំណែកទីផ្សារក្នុងស្រុកច្រើនជាងគេបំផុត ដោយក្នុងនោះ Vietnam Airlines ក្ដោបក្ដាប់ចំណែកទីផ្សារ៤២% Vietjet Air ក្ដោបក្ដាប់៤៤% បន្ទាប់មក Bamboo Airways ក្ដោបក្ដាប់៧% Vietravel Airlines ក្ដោបក្ដាប់៣% Pacific Airlines ក្ដោបក្ដាប់៤% ហើយ Vasco ក្ដោបក្ដាប់៤%។
ទិន្នន័យបង្ហាញទៀតថា ការលក់សំបុត្រលើផ្លូវហោះហើរក្នុងស្រុកសម្រេចបានជាង៨០% ខណៈដែលការលក់សំបុត្រលើផ្លូវហោះហើរអន្តរជាតិ សម្រេចបានជាង៧០%។ ទន្ទឹមនេះ បណ្ដាក្រុមហ៊ុនអាកាសចរណ៍វៀតណាម ដឹកជញ្ជូនអ្នកដំណើរអន្តរជាតិ បានជិត៩លាននាក់ ក្នុងរយៈពេល៦ខែមកនេះដោយកើនឡើង២៨%៕
ដោយ: តែម សុខុម