ថៃ បង្កើនផលិតកម្មប្រេងសម្រាប់ចាក់យន្តហោះ ដើម្បីឆ្លើយតបនឹងកំណើនតម្រូវការ
ប្រទេសថៃ កំពុងក្លាយជាតួអង្គថ្មីមួយក្នុងការផលិតឥន្ធនៈអាកាសចរណ៍ ឬប្រេងឥន្ធនៈ សម្រាប់ចាក់យន្តហោះ បន្ទាប់ពីក្រុមហ៊ុនប្រេង និងឧស្ម័ន PTT គ្រប់គ្រ…
ទេសាភិបាលធនាគារកណ្ដាលវៀតណាម លោកស្រី ង្វៀន ធីហុង បាននិយាយថា ឥណទានលំនៅដ្ឋានសង្គម មានតួនាទីសំខាន់ក្នុងការដោះស្រាយបញ្ហាលំនៅដ្ឋាន និងបានស្នើឲ្យក្រសួងសំណង់វាយតម្លៃលើតម្រូវការលំនៅដ្ឋាន តាមមូលដ្ឋាន ដើម្បីចេញគោលនយោបាយប្រកបដោយប្រសិទ្ធភាព។
លោកស្រី ង្វៀន ធីហុង មានប្រសាសន៍ថា «យុវជនមួយចំនួនចូលចិត្តជួលផ្ទះ ជាជាងទិញផ្ទះរស់នៅ ដូច្នេះហើយឥណទានចាំបាច់ត្រូវរៀបចំឲ្យសមស្របតាមតម្រូវការ»។
ជាមួយគ្នានេះ សមាគមអចលនទ្រព្យទីក្រុងហូជីមិញ (HoREA) បានស្នើឡើងនាពេលថ្មីៗនេះថា អ្នកទិញផ្ទះលើកដំបូងគួរតែទទួលបានប្រាក់កម្ចីក្នុងអត្រាការប្រាក់ ៦-៧% ក្នុងមួយឆ្នាំ ដែលធានាដោយអចលនទ្រព្យ ដែលពួកគេទិញ ហើយការឧបត្ថម្ភធនគួរតែមានរយៈពេល ១០-១៥ ឆ្នាំ ។ លើសពីនេះ សមាគមនេះ ក៏បានស្នើឲ្យរដ្ឋាភិបាលពិចារណាផ្ដល់ឥណទានក្នុងអត្រាការប្រាក់ ៤,៧% សម្រាប់រយៈពេល២០ឆ្នាំ ចំពោះអ្នកទិញផ្ទះលើកដំបូងក្នុងតម្លៃប្រមាណ ៧៨,៥០០ដុល្លារ ឬតិចជាងនេះ។
ការសិក្សាមួយដោយក្រុមហ៊ុនស្រាវជ្រាវ និងប្រឹក្សាយោបល់ CBRE បានរកឃើញថា រដ្ឋធានីហាណូយ និងទីក្រុងហូជីមិញ គឺជាទីក្រុងមួយក្នុងចំណោមទីក្រុង ដែលមានតម្លៃលំនៅដ្ឋានថ្លៃបំផុតនៅអាស៊ីសម្រាប់អ្នកទិញផ្ទះរស់នៅ ពោលគឺថ្លៃជាងប្រទេសសិង្ហបុរីទៅទៀត បើគេប្រៀបធៀបតម្លៃផ្ទះ ទៅនឹងប្រាក់ចំណូលរបស់ប្រជាជន។
កម្មករវៀតណាម ដែលមានប្រាក់ចំណូលប្រចាំខែ ជាមធ្យមនៅប្រមាណជាង ៣៧០ដុល្លារ ក្នុងមួយខែ ត្រូវការរយៈពេល ២៦ឆ្នាំ ដើម្បីអាចបង់ដាច់ថ្លៃផ្ទះល្វែងតម្លៃជាង ១០ម៉ឺនដុល្លារ ក្នុងអត្រាការប្រាក់ត្រឹមតែ ៤.៥%ក្នុងមួយឆ្នាំ។ នេះបើយោងតាមវេទិកាចុះបញ្ជីអចលនទ្រព្យ Batdongsan។
