តុលាការថៃ បង្គាប់ឱ្យលោក ថាក់ស៊ីន ដែលជាប់ពន្ធនាគារ ត្រូវបង់លុយជាង ៥០០លានដុល្លារ ជុំវិញបណ្ដឹងថ្មីពាក់ព័ន្ធការគេចពន្ធ
អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា ដែលកំពុងជាប់បណ្ដឹងមួយ និងកំពុងជាប់ពន្ធនាគារនៅឡើយនោះ ពេលនេះបានរងបណ្ដឹងថ្មីមួយទៀតពាក់ព…
សភាវៀតណាម កាលពីថ្ងៃទី១៧ ខែវិច្ឆិកា ឆ្នាំ២០២៥ បានពិភាក្សាគ្នាលើសេចក្តីព្រាងច្បាប់មួយ ស្តីពី ការបង្កើតអង្គភាពឧស្សាហកម្មសន្តិសុខជាតិ ដើម្បីគ្រប់គ្រងការគំរាមកំហែង និងបញ្ហាសន្តិសុខនៅតាមប្រព័ន្ធអ៊ីនធឺណិត។ ប៉ុន្តែក្រុមសិទ្ធិមនុស្សមានការព្រួយបារម្ភថា រដ្ឋឯកបក្សមួយនេះអាចនឹងប្រើអង្គភាពនេះ ដើម្បីឃ្លាំមើលសកម្មភាពរបស់ពលរដ្ឋ ដែលត្រូវបានចាត់ទុកថា មាននិន្នាការប្រឆាំងនឹងរដ្ឋាភិបាលវៀតណាម។
លោក តូ មិញ សុន (To Minh Son) អ្នកស្រាវជ្រាវនៅសាកលវិទ្យាល័យជាតិ អូស្ត្រាលី បាននិយាយថា ទីភ្នាក់ងារថ្មីនេះនឹងស្ថិតនៅក្រោមក្រសួងសន្តិសុខសាធារណៈ ជាកន្លែងដែលលោក តូ ឡឹម (To Lam) ទើបចាកចេញដើម្បីក្លាយជាប្រធានបក្សកុម្មុយនីស្តវៀតណាម កាលពីឆ្នាំមុន។
បើតាមការអះអាងរបស់សភាវៀតណាម នៅលើបណ្តាញសង្គមកាលពីពេលថ្មីៗបានគូសបញ្ជាក់ថា ទីភ្នាក់ងារថ្មីនេះនឹងសិក្សាអំពីសហរដ្ឋអាម៉េរិក, រុស្ស៊ី, អ៊ីស្រាអែល និងបារាំង ដើម្បីអភិវឌ្ឍឧស្សាហកម្មសន្តិសុខ។ ដូច្នេះពេលនេះ សមាជិកសភាកំពុងថ្លឹងថ្លែងធ្វើវិសោធនកម្មច្បាប់ ដើម្បីបង្កើត និងផ្តល់មូលនិធិដល់ទីភ្នាក់ងារនេះ៕
ដោយ៖ សុខ មង្គល
