បើទោះបីជា មានការលើកលែងពាក់ម៉ាស់នៅតាមទីសាធារណៈក៏ដោយ ប៉ុន្ដែ សម្តេចតេជោក៏បានសង្កត់ធ្ងន់ដែរថា កាតព្វកិច្ចពាក់ម៉ាសគឺនៅតែបន្ដដដែល សម្រាប់នៅកន្លែងដែលមានការបិទជិត។
នាយករដ្ឋមន្ត្រីនៃកម្ពុជា នៅថ្ងៃទី ២៦ ខែមេសានេះ បានថ្លែងតារយៈសារពិសេស ដោយបានសម្រេចលុបចោលកាតព្វកិច្ចពាក់ម៉ាស់សម្រាប់ប្រជាពលរដ្ឋនៅទូទាំងប្រទេស ពោលគឺនៅតាមទីសារណៈ ឬកន្លែងចំហរមានខ្យល់អាកាសចេញចូល គឺប្រជាពលរដ្ឋមិនចាំបាច់ធ្វើការពាក់ម៉ាស់នោះទេ ប៉ុន្ដែ សម្រាប់នៅកន្លែងបន្ទប់បិទជិតវិញ គឺគប្បីត្រូវបន្ដពាក់ម៉ាស់ ដើម្បីការពារកូវីដ១៩។
អត្ថបទគួរអាន
បើតាមសម្តេច តេជោ លើកលែងកាតព្វកិច្ចពាក់ម៉ាស់នៅទូទាំងប្រទេសនេះ គឺបន្ទាប់ពីរាជរដ្ឋាភិបាលមើលឃើញថា នៅអំឡុងដំណើរកម្សាន្ដបុណ្យចូលឆ្នាំខ្មែរខាងមុខនេះ មានប្រជាពលរដ្ឋរាប់លាននាក់បានចេញធ្វើដំនើរកម្សាន្ដ និងជួបជុំគ្នាកម្សាន្ដសប្បាយភ្លូកទឹកភ្លូកដីហើយមានពលរដ្ឋតិចតួចប៉ុណ្ណោះដែលមានពាក់ម៉ាស់។ ប៉ុន្ដែ ជាង១សប្ដាហ៍ក្រោយថ្ងៃឈប់សម្រាកចូលឆ្នាំខ្មែរបានបញ្ចប់ទៅនេះ ឃើញថា ករណីឆ្លងកូវីដ១៩ គឺនៅតែមានក្នុងចំនួនតិចតួច មិនមានការឆ្លងចូលសហគមន៍ធ្ងន់ធ្ងរនោះទេ។ ម្យ៉ាងទៀត វិធានការលើកលែងនេះ ក៏ជាផ្នែកមួយជួយសម្រួលបន្ទុកចំណាយដែលត្រូវទិញម៉ាសមកប្រើប្រាស់ផងដែរ ដ្បិតថា បើតាមសម្តេចតេជោ យ៉ាងហោចណាស់ នៅទូទាំងប្រទេសការចំណាយលើការប្រើប្រាស់ម៉ាសនេះ ក៏មានប្រមាណ ១០ម៉ឺនដុល្លារអាមេរិកដែរក្នុងមួយថ្ងៃ។
ជុំវិញនឹងវិធានការណ៍លើកលែងការពាក់ម៉ាសនៅតាមទីសាធារណៈនៅទូទាំងប្រទេសនេះដែរ តើប្រជាពលរដ្ឋយើងមានការយល់ឃើញបែបណាដែរ? សូមទស្សនាសេចក្តីរាយការណ៍ លម្អិតខាងក្រោម៖
None
