គេសង្កេតឃើញថា កន្លងមកការដឹកកម្មករពីលំនៅដ្ឋាន មកធ្វើការនៅតាមរោងចក្រឆ្ងាយពីផ្ទះពិសេសរោងចក្រនៅតាមបណ្ដោយផ្លូវជាតិលេខ៣ និងលេខ៤ជាដើម គឺភាគច្រើន ប្រើប្រាស់ឡានដឹកទំនិញសម្រាប់ដឹកកម្មករ ដែលមានលក្ខណប្រជ្រៀតគ្នាណែនតាន់តាប់ និងមានហានិភ័យខ្ពស់ប្រឈមនឹងគ្រោះថ្នាក់ចរាចរណ៍។ ដោយមើលឃើញពីបញ្ហាទាំងនេះ ក្រសួងការងារ និងបណ្ដុះបណ្ដាលវិជ្ជា ជីវៈ ថ្មីៗនេះ បានបើក សិក្ខាសាលាថ្នាក់ជាតិមួយ ដើម្បីជជែកពិភាក្សាអំពីលទ្ធភាពក្នុងការផ្លាស់ប្តូររថយន្តដឹកកម្មករនិយោជិតប្រភេទរថយន្តដឹកទំនិញ មកជារថយន្តដែលមានសុវត្តិភាពប្រសើរជាងនេះ ដើម្បីជៀសវាងការ ការបង្ក ការកក់ស្ទះចរាចរណ៍នៅតាមដងផ្លូវ ក៏ដូចជាចូលរួម កាត់បន្ថយនូវគ្រោះថ្នាក់ចរាចរណ៍ និងជាពិសេសទៀតក្នុងការលើកកម្ពស់សុវត្តិភាពផាសុខភាពផងដែរ។
ជុំវិញនឹងការគំនិតផ្ដួចផ្ដើម និងគិតគូរអំពីបញ្ហាសុវត្ថិភាពធ្វើដំណើររបស់របស់កម្មករនិយោជិតរោងចក្រនេះដែរ ក្រុមកម្មករកម្មការិនីរោងចក្រ បានសម្ដែងការពេញចិត្តចំពោះ ការគិតគូររបស់ក្រសួងការងារ ហើយក៏បានស្នើឲ្យការសិក្សានេះ នឹងបញ្ចប់ហើយចាប់ផ្ដើមអនុវត្តឆាប់ៗ ដើម្បីសម្រួលទុក្ខលំបាករបស់ពួកគេ។
អត្ថបទទាក់ទង
ទាក់ទងនឹងការផែនការជួយសម្រួលការលំបាកដល់ការធ្វើដំណើររបស់កម្មករកម្មការិនីនេះដែរ ឯកឧត្តម អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានលើកឡើងថា មានប្រសាសន៍ថា ក្រសួងបានយកចិត្តទុកដាក់ទៅដល់សុវត្ថិភាពរបស់កម្មករនិយោជិតដោយបានគិតគូរអំពីបញ្ហាគ្រោះថ្នាក់ចរាចរណ៍ដែលបានកើតឡើងទៅលើកម្មករនិយោជិតនាពេលធ្វើដំណើរ និងធ្វើការជំរុញឲ្យកាន់តែប្រសើរឡើងនូវមធ្យោយបាយដឹកជញ្ជូនកម្មករនិយោជិត ដោយការប្រើប្រាស់រថយន្តជាប្រភេទដឹកអ្នកដំណើរ ការរៀបចំឲ្យមានកៅអីអង្គុយឲ្យបានសមស្រប និងការសហការជាមួយអង្គភាពពាក់ព័ន្ធដើម្បីតាមដានត្រួតពិនិត្យលក្ខណៈទៅលើរថយន្តដឹកកម្មករនិយោជិតជាប្រចាំផងដែរ៕
អត្ថបទ ហួន ស្រីនីត
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
