គម្រោងដែលនឹងត្រូវបានផ្តល់មូលនិធិក្រោមមូលនិធិទំនុកបម្រុងអាហ្វហ្កានីស្ថាន ដែលហៅកាត់ថា ARTF ដែលកំពុងត្រូវបានត្រៀមរួចរាល់សម្រាប់ការអនុវត្តដោយទីភ្នាក់ងារអង្គការសហប្រជាជាតិ ដើម្បីគាំទ្រគម្រោងក្នុងវិស័យកសិកម្ម ការអប់រំ សុខភាព និងជីវភាពរស់នៅក្នុងប្រទេសនេះ។ ប៉ុន្តែការណែនាំរបស់ធនាគារពិភពលោកតម្រូវឱ្យគ្រប់សកម្មភាពដែលផ្តល់ហិរញ្ញប្បទានដោយ ARTF ដើម្បីគាំទ្រដល់ការទទួលបាន និងសមធម៌សម្រាប់ស្ត្រី និងកុមារីនៅក្នុងប្រទេសអាហ្វហ្គានីស្ថាន ហើយក៏បានលើកឡើងពីការព្រួយបារម្ភយ៉ាងខ្លាំងចំពោះការហាមប្រាមរបស់ពួកតាលីបង់លើក្មេងស្រីមិនឱ្យចូលរៀននៅវិទ្យាល័យផងដែរ។
អត្ថបទគួរអាន
សូមរំឭកថា ក្រុមប្រឹក្សាប្រតិបត្តិរបស់ធនាគារពិភពលោកកាលពីថ្ងៃទី ១ ខែមីនាបានអនុម័តផែនការប្រើប្រាស់កញ្ចប់ទឹកប្រាក់ជាង ១ ពាន់លានដុល្លារពីមូលនិធិ ARTF ដើម្បីផ្តល់ហិរញ្ញប្បទានដល់ការអប់រំ កសិកម្ម សុខភាព និងកម្មវិធីគ្រួសារ ដោយថវិកានេះ ប៉ុន្ដែថវិកាមិនបានផ្ដល់ជូនដល់អាជ្ញាធរតាលីបង់នោះទេ គឺបានបែងចែកទៅឲ្យទីភ្នាក់ងារ និងជំនួយរបស់អង្គការសហប្រជាជាតិវិញ។ គម្រោងមូលនិធិ ARTFរបស់ធនាគារពិភពលោកសម្រាប់ផ្ដល់ជូនអាហ្វហ្គានីស្ថាន ត្រូវបានជាប់គាំងតាំងតែខែសីហាឆ្នាំមុនមកម្ល៉េះ ពោលគឺចាប់តាំងពីពេលដែលពួកតាលីបង់ឡើងកាន់អំណាច ខណៈដែលកងទ័ពអន្តរជាតិ ដែលដឹកនាំដោយសហរដ្ឋអាមេរិកបានសម្រេចចាកចេញពីប្រទេសនេះ។ ក្រោយពីដកទ័ពចេញរដ្ឋាភិបាលបរទេសដែលធ្លាប់ជួយអាហ្វហ្គានីស្ថានទាំងអស់នេះ ក៏បានកាត់បន្ថយចំនួនហិរញ្ញវត្ថុទាំងអស់ ដែលមានប្រហែល៧០% នៃការចំណាយរបស់រដ្ឋាភិបាលអាហ្វហ្គានីស្ថាន ដែលវារឹតតែធ្វើឲ្យសេដ្ឋកិច្ចប្រទេសដែលខ្ទេចខ្ទាំដោយសារសង្គ្រាមមួយដួលរលំកាន់តែលឿន។
សូមជម្រាបថា នៅក្នុងសប្ដាហ៍នេះក្រសួងការបរទេសចិនបានឱ្យដឹងថា អ្នកការទូតកំពូលរបស់សហរដ្ឋអាមេរិកនឹងជួបប្រជុំគ្នានៅក្នុងប្រទេសចិនដើម្បីពិភាក្សាអំពីបញ្ហានៅក្នុងប្រទេសអាហ្វហ្គានីស្ថានជាមួយសមភាគីចិន រុស្ស៊ី និងប៉ាគីស្ថានផងដែរ។ កិច្ចប្រជុំនេះនឹងត្រូវដឹកនាំដោយរដ្ឋមន្ត្រីការបរទេសចិនលោក Wang Yi និងមានការចូលរួមដោយរដ្ឋមន្ត្រីការបរទេសស្តីទីអាហ្វហ្គានីស្ថាន Amir Khan Muttaqi និងអ្នកការទូតមកពីប្រទេសជាច្រើនផ្សេងទៀតផងដែរ៕
អត្ថបទ៖ ស៊ើង និមល់
None
