អ្នកវិភាគ៖ ចិនចាំបាច់ត្រូវដោះស្រាយអំពើពុករលួយក្នុងគម្រោងខ្សែក្រវាត់និងផ្លូវរបស់ខ្លួន
អ្នកវិភាគបានផ្តល់ជាអនុសាសន៍ថា ប្រទេសចិនចាំបាច់ត្រូវបង្កើនការវាយតម្លៃ ពីហានិភ័យ និងពីវិធានការប្រឆាំងអំពើពុករលួយ ដើម្បីកាត់បន្ថយជម្លោះនយ…
រោងចក្រផលិតរថយន្តនេះ នឹងត្រូវសាងសង់ជាពីរដំណាក់កាល ហើយក្រុមហ៊ុន Xiaomi ក៏នឹងសាងសង់ទីស្នាក់ការកណ្តាល ការិយាល័យលក់ និងស្រាវជ្រាវនៃអង្គភាពរថយន្តរបស់ខ្លួននៅក្នុងតំបន់អភិវឌ្ឍន៍សេដ្ឋកិច្ច និងបច្ចេកវិទ្យាទីក្រុងប៉េកាំងផងដែរ។ នេះបើយោងតាមទីភ្នាក់ងារអភិវឌ្ឍន៍សេដ្ឋកិច្ចដែលគាំទ្រដោយរដ្ឋាភិបាល។
ទីភ្នាក់ងារអភិវឌ្ឍន៍សេដ្ឋកិច្ច រំពឹងថារោងចក្ររថយន្ដនេះ នឹងឈានទៅដល់ការផលិតដ៏ធំនៅឆ្នាំ ២០២៤ ដែលជាគោលដៅដែលបានប្រកាសដោយនាយកប្រតិបត្តិរបស់ក្រុមហ៊ុន Xiaomi កាលពីខែតុលាកន្លែងទៅនេះ។
សូមរំឭកថា កាលពីខែមីនា ក្រុមហ៊ុន Xiaomi បាននិយាយថា ខ្លួននឹងប្តេជ្ញាបោះទុនវិនិយោគក្នុងទំហំ ១០ ពាន់លានដុល្លារ នៅក្នុងវិស័យរថយន្តអគ្គិសនីថ្មីមួយក្នុងរយៈពេល ១០ ឆ្នាំទៀត ហើយថ្មីនេះ ក្រុមហ៊ុនក៏ទើបតែបានបញ្ចប់ការចុះបញ្ជីអាជីវកម្មក្រុមហ៊ុនរថយន្តអគ្គិសនីរបស់ខ្លួនរួចហើយដែរ។
ក្រៅពីនេះ ក្រុមហ៊ុន Xiaomi បាននឹងកំពុងបើកហាងរាប់ពាន់កន្លែង ដើម្បីជំរុញកំណើនការលក់ក្នុងស្រុកសម្រាប់អាជីវកម្មស្មាតហ្វូនរបស់ខ្លួន ប៉ុន្តែនៅទីបំផុត ក្រុមហ៊ុនមានបំណងប្រើប្រាស់ហាងទាំងនេះ ជាបណ្តាញសម្រាប់ផែនការរបស់ខ្លួនក្នុងការលក់រថយន្តអគ្គិសនីវិញក្នុងពេលខាងមុននេះ៕
អត្ថបទ៖ ស៊ើង និមល់
None
