Popular

មន្ត្រីជាន់ខ្ពស់ក្រសួងពាណិជ្ជកម្មកម្ពុជាអះអាងថា ក្រសួងនឹងកំណត់ពេលវេលាអនុវត្តវិធានការច្បាប់ស្តីពីពាណិជ្ជកម្មអនឡាញនិងការផាកពិន័យក្នុងពេលឆាប់ៗខាងមុខនេះ ចំពោះអាជីវកម្មរកស៊ីតាមអនឡាញ ដែលមិនមានការចុះបញ្ជីស្នាមត្រឹមត្រូវជាមួយក្រសួង។ ការព្រមានពីការអនុវត្តច្បាប់ ក៏ដូចជាការផាកពិន័យនេះ គឺធ្វើឡើងបន្ទាប់ពីក្រសួងពាណិជ្ជកម្មមើលឃើញថា ក្រុមហ៊ុនសហគ្រាស និង បុគ្គលរកស៊ីតាមអនឡាញនៅតែមិនទាន់បានសុំលិខិតអនុញ្ញាត ឬ ចុះបញ្ជីនៅក្រសួងពាណិជ្ជនៅឡើយ បើទោះបីជាកន្លងមកក្រសួងបានបន្តដាស់តឿនម្ដងហើយម្ដងទៀតយ៉ាងណាក្ដី។