#វិស័យ ថាមពល

ទីក្រុងប៉េកាំង បានសម្តែងការមិនពេញចិត្តយ៉ាងខ្លាំង និងបានចេញវិធានការតបតចំពោះទណ្ឌកម្មរបស់សហរដ្ឋអាម៉េរិក ដែលបានដាក់លើរោងចក្រចម្រាញ់ប្រេងរបស់ចិន ចំនួន៥កន្លែង ក្រោមការចោទប្រកាន់ថាបានជួយជ្រោមជ្រែងសេដ្ឋកិច្ចអ៊ីរ៉ង់តាមរយៈការទិញប្រេងឆៅ។ ទណ្ឌកម្មដែលប្រកាសដោយក្រសួងហិរញ្ញវត្ថុអាម៉េរិក កាលពីចុងខែមេសា នេះមានគោលបំណងកាត់ផ្ដាច់ក្រុមហ៊ុនចិនទាំងនោះចេញពីប្រព័ន្ធហិរញ្ញវត្ថុអន្តរជាតិ និងព្រមានដល់ភាគីទី៣ណា ដែលហ៊ានធ្វើអាជីវកម្មជាមួយពួកគេ។