#ទីផ្សារដំឡូងមី

នៅប៉ុន្មានឆ្នាំចុងក្រោយនេះដំឡូងមីតែងតែជួបបញ្ហាទីផ្សារ និងធ្លាក់ថ្លៃរៀងរាល់រដូវប្រមូលផលម្តងៗ ដែលធ្វើឱ្យកសិករមួយចំនួនមានការរអ៊ូរទាំ និងប្រឈមនឹងការខាតបង់ជាដើម។ ដើម្បីរួមចំណែកដោះស្រាយបញ្ហាប្រឈមនេះ សហព័ន្ធដំឡូងមីកម្ពុជា បានណែនាំឱ្យកសិករ និងឈ្មួញគោរពនីតិវិធី និងស្តង់ដាទិញ-លក់ដំឡូងមីឱ្យបានត្រឹមត្រូវ ក្រោយសហព័ន្ធសង្កេតឃើញថា កន្លងមកការធ្វើអាជីវកម្មទិញ-លក់ដំឡូងមីមួយចំនួនពុំទាន់គោរពតាមនីតិវិធីស្តង់ដានោះទេ ដែលធ្វើឱ្យគុណភាពដំឡូងមីធ្លាក់ចុះ លក់បានតម្លៃទាប ដែលជំរុញឱ្យកសិករ និងពាណិជ្ជករខាតបង់ប្រាក់ចំណេញ។