#G20

កិច្ចប្រជុំកំពូល G20 នៅទីក្រុងញូដេលីបានបញ្ចប់កាលពីថ្ងៃអាទិត្យ ដោយឥណ្ឌាបានប្រគល់ឋានៈជាប្រធានប្តូរវេននោឆ្នាំក្រោយទៅឱ្យប្រទេសប្រេស៊ីល។ នៅក្នុងកិច្ចប្រជុំរយៈពេលបីថ្ងៃ មេដឹកនាំសហរដ្ឋអាមេរិក អឺរ៉ុប និងសម្ព័ន្ធមិត្តបានព្រមព្រៀងគ្នាជាមួយឥណ្ឌា និងសមាជិក G20 ឯទៀត លុបឃ្លាថ្កោលទោសសង្គ្រាមរុស្ស៊ីនៅអ៊ុយក្រែនចេញពីសេចក្តីថ្លែងការណ៍រួមរបស់ខ្លួន។ តែជំនួសមកវិញជំរុញឱ្យសមាជិកទាំង២០ប្រទេស ប្តេជ្ញាគោរពបូរណភាពទឹកដី និងអធិបតេយ្យភាពប្រទេសនៅលើពិភពលោក។ នេះបើតាមការចុះផ្សាយដោយសារព័ត៌មានអន្តរជាតិធំៗ។