#គ្រឹះស្ថានមីក្រូហិរញ្ញវត្ថុ

វិស័យមីក្រូហិរញ្ញវត្ថុ បានដើរតួនាទីយ៉ាងសំខាន់មួយក្នុងការជួយលើកកម្ពស់ជីវភាពរបស់ប្រជាជន និងរួមចំណែកជួយអភិវឌ្ឍន៍សង្គម និងសេដ្ឋកិច្ចជាតិ។ ជាក់ស្តែងបើតាមការអះអាងរបស់ថ្នាក់ដឹកនាំសមាគមមីក្រូហិរញ្ញវត្ថុកម្ពុជា(CMA)បច្ចុប្បន្នមានអតិថិជនជាង១លានគណនីកំពុងប្រើកម្ចីជាង៥ពាន់លានដុល្លាររបស់គ្រឹះស្ថានមីក្រូហិរញ្ញវត្ថុទាំង១៣២ ដែលជាសមាជិករបស់សមាគម។ ជាមួយគ្នានេះមានអថិជនជិត២លានគណនីបានដាក់បញ្ញើនៅតាមបណ្តាគ្រឹះស្ថានមីក្រូហិរញ្ញវត្ថុទទួលប្រាក់បញ្ញើ ដែលមានទំហំទឹកប្រាក់រហូតដល់ជាង២ពាន់លានដុល្លារ។