#កម្ចីកសិកម្ម

សមាគមអ្នកចិញ្ចឹមសត្វ និង ក្រុមកសិករដាំដុះដំណាំកសិកម្ម បានស្នើឲ្យរាជរដ្ឋាភិបាលកម្ពុជា​តាមរយៈធនាគារអភិវឌ្ឍន៍ជនបទ និងកសិកម្ម​(ARDB) ទម្លាក់ទុនកម្ចីបន្ថែមទៀត ក្រោយទុនកម្ចី៥៥លានដុល្លារដែលរាជរដ្ឋាភិបាលផ្ដល់ឲ្យនោះ ត្រូវបានបញ្ចេញប្រើប្រាស់អស់ហើយ។ ទន្ទឹមនឹងនេះ សមាគម​ក៏ស្នើឲ្យធនាគាររដ្ឋ ARDB បន្ធូរបន្ថយគោលការណ៍ផ្តល់កម្ចីដល់កសិករខ្នាតតូច កុំឲ្យស្មុគស្មាញពេក ដើម្បីឲ្យពួកគេទទួលបានដើមទុនសម្រាប់បើក និងពង្រីកអាជីវកម្មរបស់ពួកគេ ដ្បិតថាកន្លងមក កសិករខ្នាតតូចៗទាំងនោះ មានភាគតិចណាស់​ដែលទទួលបាន​កម្ចីពីធនាគារនេះ។