#កោះតៃវ៉ាន់

សមាជិកព្រឹទ្ធសភាអាម៉េរិក លោក ចន ឃឺតធីស (John Curtis) កាលពីថ្ងៃទី៣១ ខែមីនា បានព្រមានចំៗឥតលាក់លៀមថា កោះតៃវ៉ាន់ គួរតែប្រុងប្រយ័ត្នឱ្យបានខ្ពស់ ហើយរៀនសូត្រពីអ្វីដែលបានកើតឡើងនៅហុងកុង ហើយកុំឆោតល្ងង់លង់ក្នុងឧបាយកលរបស់ចិនដីគោក។ ការព្រមាននេះធ្វើឡើងក្នុងអំឡុងដំណើរទស្សនកិច្ចរបស់លោកទៅកាន់កោះវ៉ាន់ ដើម្បីពិភាក្សាអំពីកញ្ចប់ថវិការការពារជាតិ ទំហំ៤០ពាន់លានដុល្លាររបស់តៃវ៉ាន់ ដែលគាំទ្រដោយអាម៉េរិក ប៉ុន្តែកំពុងជាប់គាំងនៅក្នុងសភាដែលគ្រប់គ្រងដោយបក្សប្រឆាំង។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters។