#អង្ករកម្ពុជា

នៅទីបំផុតអង្ករកម្ពុជាជើងដំបូងបាននាំចេញទៅកាន់ប្រទេសឥណ្ឌូនេស៊ីជាផ្លូវការហើយ ក្រោយមានកិច្ចចរចាបើកទីផ្សារកាលពីអំឡុងខែសីហា ឆ្នាំ២០២៣។ បើតាមប្រធានសហព័ន្ធស្រូវ-អង្ករកម្ពុជា អង្ករជើងទី១ ដែលបានដឹកទៅដល់កំពង់ផែឥណ្ឌូនេស៊ី នៅថ្ងៃទី២ វិច្ឆិកា មានបរិមាណ ៣.៥០០ តោន ខណៈកម្ពុជា ត្រូវនាំចេញពីរជើងបន្ថែមទៀតឱ្យគ្រប់តាមកិច្ចសន្យា១ម៉ឺនតោន ដែលមានតម្លៃសរុបជាង៦លានដុល្លារអាម៉េរិក។