#តម្លៃប្រេងឆៅធ្លាក់ចុះ

តម្លៃប្រេងបានធ្លាក់ចុះមួយរំពេចនៅថ្ងៃពុធ សប្តាហ៍នេះ បន្ទាប់ពីប្រធានាធិបតីរុស្ស៊ីលោក វ៉្លាឌីមៀ ពូទីន បានព្រមព្រៀងតាមសំណើរបស់លោក ដូណាល់ ត្រាំ ដែលស្នើឱ្យទីក្រុងម៉ូស្គូ ផ្អាកវាយប្រហារលើហេដ្ឋារចនាសម្ព័ន្ធថាមពលរបស់អ៊ុយក្រែនជាបណ្តោះអាសន្ន។ ការផ្អាកបាញ់ប្រហារលើហេដ្ឋារចនាសម្ព័ន្ធថាមពល ដែលមានសុពលភាពរយៈពេល៣០ថ្ងៃនេះ អាចជំរុញឱ្យប្រេងរុស្ស៊ីកាន់តែច្រើនហូរចូលទៅកាន់ទីផ្សារពិភពលោក។ នេះបើតាមការចុះផ្សាយរបស់សារព័ត៌មានធំៗជាច្រើន។