#វៀតណាម

ប្រទេសវៀតណាម កំពុងផ្លាស់ប្តូរយុទ្ធសាស្ត្រទីផ្សារលំនៅឋានគួរឱ្យ ភ្ញាក់ ផ្អើល ដោយផ្តោតលើការ អភិវឌ្ឍលំនៅឋានជួលរយៈពេលវែង ខណៈតម្លៃ លំនៅឋានក្នុងទីក្រុងធំៗហក់ឡើងថ្លៃខ្លាំង ដែលធ្វើឱ្យយុវជន និងកម្មករនិយោជិតជាច្រើនកាន់តែលំបាកមានលទ្ធភាពទិញផ្ទះ។ ស្ថិតក្នុងបរិបទនេះ ថ្នាក់ដឹកនាំវៀតណាម បានចាត់ទុកលំនៅឋានជួលជាសសរស្តម្ភដ៏សំខាន់ នៃការអភិវឌ្ឍទីក្រុងរហូតដល់ឆ្នាំ២០៣០ ដើម្បី ប្ដូរផ្នត់គំនិត ក្នុងសង្គមវៀតណាម ពីការចាត់ទុកផ្ទះជាទ្រព្យសម្បត្តិទៅជាការចាត់ទុក ផ្ទះទៅជាតម្រូវការរស់នៅមូលដ្ឋាន។