#វិបត្តិនៅមីយ៉ាន់ម៉ា

ក្រុមបះបោរជនជាតិភាគតិចមីយ៉ាន់ម៉ា កាលពីថ្ងៃចន្ទ បានបើកសមរភូមិពីរមុខព្រួញថ្មី ដោយវាយប្រហារប៉ុស្តិ៍សន្តិសុខគ្រប់គ្រងដោយរបបយោធា នៅភាគខាងលិចនៃប្រទេស ខណៈប្រជាជនជាច្រើនពាន់នាក់បានបង្ខំចិត្តភៀសខ្លួនចូលទៅក្នុងទឹកដីឥណ្ឌា ដើម្បីរក្សាសុវត្តិភាព។ នៅចំពោះមុខការប្រយុទ្ធជាច្រើនទិសនេះ របបយោធាមីយ៉ាន់ម៉ា បានប្រកាសដាក់បម្រាមគោចរនៅទីក្រុងភាគខាងលិចនៃប្រទេស រហូតដល់មានការណែនាំជាថ្មីពីអាជ្ញាធរ។