#វិស័យពាណិជ្ជកម្ម

ក្រុមហ៊ុនសហគ្រាសឧស្សាហកម្មរបស់ចិន ចំនួន១៧ បានបង្ហាញចំណាប់អារម្មណ៍ និងបំណងចង់វិនិយោគបន្ថែមទៀតនៅកម្ពុជា ដើម្បីរួមចំណែកជួយអភិវឌ្ឍន៍សង្គម និងសេដ្ឋកិច្ចកម្ពុជា ក៏ដូចជាជួយជំរុញការធ្វើពាណិជ្ជកម្មទ្វេភាគីរវាងប្រទេសកម្ពុជា-ចិន ឱ្យកាន់តែល្អប្រសើរបន្ថែទៀត។ ការបង្ហាញចំណាប់អារម្មណ៍ និងបំណងបែបនេះធ្វើឡើងក្នុងជំនួបពិភាក្សាការងាររវាងសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ជាមួយប្រតិភូសហគ្រាសឧស្សាហកម្មធំៗទាំង១៧របស់ចិន នៅព្រឹកថ្ងៃទី២៧ ខែមីនា ឆ្នាំ២០២៤ នេះ។