#វិស័យទេសចរណ៍កម្ពុជា

ផែនការរពឹងទុកអំពីចំនួនភ្ញៀវទេសចរបរទេសប្រមាណ៥លាននាក់ មកកាន់កម្ពុជាក្នុងឆ្នាំនេះ កំពុងមានការកើនឡើងយឺត ដ្បិតនៅសល់ជាង១ខែទៀតប៉ុណ្ណោះនឹងដាច់ឆ្នាំ២០២៣។ ការកើនឡើងយឺតជាងផែនការរំពឹងទុកនេះ ត្រូវបានមន្រ្តីជាន់ខ្ពស់ក្នុងវិស័យអាកាសចរណ៍ស៊ីវិល ក៏ដូចជាអ្នកជំនាញផ្នែកទេសចរណ៍ បានអះអាងប្រហាក់ប្រហែលគ្នាថា ដោយសារតែមានកត្តាប្រឈមមួយចំនួន ដូចជា ផលប៉ះពាល់អំពីការផ្សព្វផ្សាយព័ត៌មានអវិជ្ជមាន ដែលធ្វើឱ្យប៉ះពាល់ដល់អារម្មណ៍របស់អ្នកទេសចរជាដើម។