#វិស័យការងារ

ក្រុមអ្នកជំនាញបានចាត់ទុកការធ្វើការងារនៅប្រទេសថៃ របស់ពលករកម្ពុជា បានក្លាយជាប្រភពទុនមួយដ៏សំខាន់សម្រាប់ទ្រទ្រង់ជីវភាព និងសេដ្ឋកិច្ច តាមរយៈការផ្ញើថវិកាត្រឡប់មកសាច់ញាតិនៅប្រទេសកម្ពុជា។ តួយ៉ាងបើតាមការបញ្ជាក់របស់អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ ពលករកម្ពុជា ដែលកំពុងធ្វើការនៅក្នុងប្រទេសថៃ ចំនួនជាង១លាន២សែននាក់ បានផ្ញើថវិកាត្រឡប់មកប្រទេសកម្ពុជា ជាមធ្យមប្រមាណ២ពាន់១រយលានដុល្លារក្នុង១ឆ្នាំ។